News August 30, 2025
இந்திய ராணுவத்தில் புதிய கமாண்டோ படை
இந்திய ராணுவத்தில் ‘பைரவ்’ எனும் புதிய கமாண்டோ படை பிரிவு உருவாக்கப்பட உள்ளது. ஏற்கனவே காலாட்படையில் இருக்கும் வீரர்களில் 250 பேரை தேர்ந்தெடுத்து, அவர்களுக்கு சிறப்பு பயிற்சி, நவீன ஆயுதங்கள், டிரோன்கள் வழங்கப்பட்டு இந்த படைப்பிரிவு உருவாக்கப்பட உள்ளது. முதற்கட்டமாக வரும் அக்.31-ம் தேதிக்குள் 5 யூனிட் வீரர்கள் பணியில் அமர்த்தப்பட உள்ளனர். இவர்கள் சீனா, பாகிஸ்தான் எல்லைகளில் நிறுத்தப்பட உள்ளனர்.
Similar News
News September 1, 2025
அதிமுக கூட்டணியில் பாமக? வெளியான தகவல்
அதிமுக கூட்டணியில் பாமக இணையவிருப்பதாக, கட்சியின் மா.செ., கூட்டத்தில் EPS பேசியிருந்தார். இதுகுறித்து ராமதாஸுக்கு நெருக்கமானவரும், பாமக MLA-வுமான அருள் விளக்கம் அளித்துள்ளார். அதில், கூட்டணி விவகாரத்தில் ராமதாஸ் முடிவுக்கு கட்டுப்படுவோம் என்றும், மக்கள் எதிர்பார்க்கும் கூட்டணியை அவர் அறிவிப்பார் எனவும் குறிப்பிட்டுள்ளார். அதிமுக- பாமக கூட்டணி இயற்கையானது என ராமதாஸ் ஏற்கெனவே கூறியிருந்தார்.
News September 1, 2025
உலகத்தை ஆட்டி படைப்பவர்கள் எந்த வயதினர் தெரியுமா?
இன்றைய உலகம் இளைஞர்கள் கையில் என்று சொல்கிறோம். ஆனால் உண்மையில் இந்த உலகத்தை ஆட்டிப் படைப்பவர்கள் எல்லாம் 70 வயதுக்கு மேல் உள்ளவர்கள் தான் என்றால் நம்பமுடிகிறதா? ஆம், இந்திய PM மோடிக்கு 74 வயது, ரஷ்ய அதிபர் புடினுக்கு 72 வயது, டிரம்புக்கு 79 வயது, ஜி ஜின்பிங்கிற்கு 72 வயது. இப்போது சொல்லுங்க, சாதிப்பதற்கு வயது ஒரு தடையா?
News September 1, 2025
ஆண்களை விட மகளிருக்கு அதிக பரிசு: ஐசிசி
கிரிக்கெட்டில் பரிசுப் பணம் தொடங்கி அங்கீகாரம் வரை பாலின பாகுபாடு காட்டப்படுவதாக குற்றச்சாட்டு உள்ளது. இதை சரிசெய்யும் முயற்சியாக, மகளிர் உலகக் கோப்பை பரிசுத் தொகையை ஐசிசி பல மடங்கு உயர்த்தியுள்ளது. சாம்பியனுக்கு ₹39 கோடி, 2-ம் இடம் பிடிக்கும் அணிக்கு ₹20 கோடியும், ஒட்டுமொத்த பரிசுத் தொகை ₹122 கோடியும் வழங்கப்படும். இத்தொகை 2023 ஆண்கள் WC-க்கு வழங்கப்பட்ட தொகையை ( ₹83 கோடி) விட அதிகமாகும்.