News August 29, 2025
வளர்ச்சி, ஒருங்கிணைப்பு மற்றும் கண்காணிப்பு குழுக்கூட்டம்!
சேலம் மாவட்ட ஆட்சியர் அலுவலகத்தில் மாவட்ட வளர்ச்சி, ஒருங்கிணைப்பு மற்றும் கண்காணிப்பு குழுக்கூட்டம், குழுத்தலைவர் மற்றும் சேலம் எம்.பி டி.எம்.செல்வகணபதி தலைமையில், மாவட்ட ஆட்சித்தலைவர் டாக்டர் பிருந்தாதேவி முன்னிலையில் இன்று (ஆக-29) நடைபெற்றது. உடன் மாநிலங்களவை உறுப்பினர் எஸ்.ஆர்.சிவலிங்கம், சேலம் மாநகராட்சி மேயர் ராமச்சந்திரன், எம்.எல்.ஏ.க்கள் உள்ளிட்டோர் கலந்துகொண்டனர்.
Similar News
News August 29, 2025
கண்காட்சி அரங்குகளை பார்வையிட்ட ஆட்சியர்!
சேலம் மாவட்டத்தில் 2024-25-ஆம் கல்வியாண்டில் 12-ஆம் வகுப்பு பொதுத்தேர்வில் தேர்ச்சி பெற்று உயர்கல்வியில் சேராத மாணாக்கர்களுக்கான ‘உயர்வுக்கு படி’ நிகழ்ச்சியில் துறைகளின் சார்பில் அமைக்கப்பட்டிருந்த கண்காட்சி அரங்குகளை மாவட்ட ஆட்சித்தலைவர் டாக்டர். பிருந்தாதேவி சேலம் புனிதபால் அரசு உதவிபெறும் மேல்நிலைப்பள்ளியில் இன்று (ஆக.29) பார்வையிட்டார்.
News August 29, 2025
சேலம் மாவட்ட காவல்துறையின் விழிப்புணர்வு அறிவிப்பு
சேலம் மாவட்ட மக்களே..வாகனம் ஓட்டும் போது மொபைலில் செய்தி அனுப்புவது, உயிருக்கு ஆபத்தானது என சேலம் மாவட்ட காவல்துறை எச்சரித்துள்ளது. ஒரே நேரத்தில் வாகனம் ஓட்டவும், மொபைல் பயன்படுத்தவும் முடியாது என்பதால், செல்பேசி பயன்படுத்துவதைத் தவிர்த்து பாதுகாப்பாக பயணம் செய்யுமாறு கேட்டுக்கொள்ளப்பட்டுள்ளது. உயிரைக் காக்கும் பொறுப்பு உங்கள் கைகளில் உள்ளது.
News August 29, 2025
சேலம் ரயில் பயணிகளுக்கான முக்கிய அறிவிப்பு!
ரயில்வே மேம்பாலத்தில் தொழில்நுட்ப பணிகள் காரணமாக, ஆக.30, செப்.01, செப்.02 ஆகிய தேதிகளில் சேலம் வழியாக இயக்கப்படும் ஈரோடு-ஜோலார்பேட்டை பயணிகள் ரயில் (56108) ஈரோட்டில் இருந்து மொரப்பூர் வரையிலும், ஜோலார்பேட்டை- ஈரோடு பயணிகள் ரயில் (56107) மொரப்பூரில் இருந்து புறப்பட்டு ஈரோடு செல்லும் என்று சேலம் ரயில்வே கோட்டம் தெரிவித்துள்ளது.