News August 29, 2025
BREAKING: இபிஎஸ் வழக்கில் தீர்ப்பு வெளியானது
அதிமுக கட்சி விதிகளில் திருத்தம் செய்ததை எதிர்த்து சிவில் வழக்கு தொடர அனுமதியில்லை என்று ஐகோர்ட் தீர்ப்பளித்துள்ளது. ஜெ., மறைவுக்குப்பின், அதிமுக கட்சி விதிகளில் திருத்தம் செய்ததை எதிர்த்து, கே.சி.பழனிசாமியின் மகன் சுரேன் உள்ளிட்டோர் வழக்கு தொடர தனி நீதிபதி அனுமதி அளித்திருந்தார். இதை எதிர்த்து EPS தாக்கல் செய்த மேல்முறையீட்டு வழக்கில், தனி நீதிபதியின் உத்தரவை ஐகோர்ட் ரத்து செய்துள்ளது.
Similar News
News September 2, 2025
தேர்தல் பரப்புரைக்காக மெகா பிளான் போடும் விஜய்
2 மாநாடுகளை நடத்திய தவெக தலைவர் விஜய், அடுத்ததாக தேர்தல் பரப்புரைக்கு திட்டமிட்டு வருகிறார். வருகிற 17-ம் தேதி பெரியார் பிறந்த நாளன்று மக்கள் சந்திப்பை தொடங்குவதே அவரது திட்டமாம். அதுவும் பெரியார் பிறந்த ஈரோடு மண்ணிலேயே பரப்புரையை தொடங்க உள்ளதாக கட்சி வட்டாரங்கள் தெரிவிக்கின்றன. பனையூர் தவெக அலுவலகத்தில் பரப்புரை வாகனம் தயாராக நிறுத்தப்பட்டுள்ளது. விஜய்யின் பரப்புரை வியூகம் வெல்லுமா?
News September 2, 2025
இந்தியா இறங்கி வந்தது: டிரம்ப்
50% வரி விதித்தும் இந்தியா இறங்கி வராததால், தொடர்ந்து டிரம்ப் விமர்சித்து வருகிறார். வர்த்தக பேச்சுவார்த்தையில், அமெரிக்க பொருள்கள் மீது, தான் விதிக்கும் வரியை முற்றாக விலக்கிக் கொள்வதாக இந்தியா கூறியதாகவும், ஆனால், காலம் கடந்துவிட்டது என தான் ஏற்க மறுத்ததாகவும் டிரம்ப் தெரிவித்துள்ளார். இந்தியா- அமெரிக்க வர்த்தகம் என்பது ஒருதரப்புக்கு (அமெரிக்காவுக்கு) சேதாரமாக இருப்பதாகவும் அவர் கூறியுள்ளார்.
News September 2, 2025
இந்தியா கோல் மழை பொழிந்து வெற்றி
பிஹாரில் நடைபெறும் ஆசிய கோப்பை ஹாக்கியில் இந்திய அணி ஹாட்ரிக் வெற்றி பெற்றுள்ளது. இன்று குரூப் ஏ பிரிவில் இந்தியா-கஜகஸ்தான் அணிகள் மோதின. ஆரம்பம் முதலே ஆதிக்கம் செலுத்திய இந்தியா 15 கோல் அடித்தது. இறுதிவரை கஜகஸ்தான் அணி பதில் கோல் அடிக்கவில்லை. இதனால் இந்தியா 15-0 என்ற கணக்கில் வென்றது. சூப்பர் 4 சுற்றில் இந்தியா கொரியாவுடன் 3ஆம் தேதியும், மலேசியாவுடன் 4ஆம் தேதியும் மோதவுள்ளது.