News April 9, 2024
6வது முறையாக இன்று மாலை தமிழகம் வருகிறார் மோடி
பிரதமர் மோடி 6வது முறையாக இன்று மாலை 2 நாள் பயணமாக தமிழகம் வருகிறார். சென்னை பனகல் பூங்கா முதல் தேனாம்பேட்டை வரை மாலை ரோடு ஷோவில் பங்கேற்று, பாஜக வேட்பாளர்களுக்கு அவர் வாக்கு சேகரிக்கிறார். இரவு ஆளுநர் மாளிகையில் தங்கும் அவர், நாளை வேலூர், நீலகிரியில் பிரசாரம் மேற்கொள்ள உள்ளார். ஏற்கனவே, ராஜ்நாத் சிங், ஸ்மிருதி இரானி என மத்திய அமைச்சர்களும் தமிழகத்தில் பிரசாரம் மேற்கொண்டு வருகின்றனர்.
Similar News
News January 21, 2026
மே மாதம் கடலுக்குள் செல்லும் மத்ஸ்யா-6000
இந்தியா தனது சமுத்ரயான் ஆழ்ந்த கடல் ஆராய்ச்சி சமுத்திரயான் திட்டத்தின் ஒரு பகுதியாக, நீர்மூழ்கிக் கப்பலான ‘மத்ஸ்யா-6000’ மே மாதத்தில் முதல்முறையாக கடலுக்குள் பயணிக்க உள்ளது. டீப் ஓஷன் மிஷன் (DOM) கீழ் கட்டப்பட்ட இந்த நீர்மூழ்கிக் கப்பல், முதலில் 500 மீட்டர் ஆழம் வரை செல்லும். இந்த சோதனை வெற்றி பெற்றால், பின்னர் 6,000 மீட்டர் ஆழத்திற்கான முழுமையான மனிதர் பயணம் மேற்கொள்ளப்படும்.
News January 21, 2026
NASA உங்கள் பெயரை சந்திரனுக்கு அனுப்புகிறது
Artemis II பயணத்துக்காக ஒரு சிறப்பு திட்டத்தை NASA தொடங்கியுள்ளது. இதில் உலகெங்கிலும் உள்ள மக்கள் தங்களது பெயரை பதிவுசெய்யலாம். பதிவுசெய்த பெயர்கள் டிஜிட்டல் மெமரி கார்டில் சேமிக்கப்பட்டு, ஆர்டெமிஸ் II பயணத்தில் சந்திரனுக்கு அனுப்பப்படும். ஜனவரி 21-ம் தேதியே பதிவு செய்ய கடைசி நாள். பதிவு செய்த பின், NASA உங்களுக்கு ஒரு டிஜிட்டல் போர்டிங் பாஸ் தரும். இது ஒரு நல்ல அனுபவமாக இருக்கும்.
News January 21, 2026
BREAKING: திமுகவில் இணைகிறார்.. ஓபிஎஸ் அதிர்ச்சி
மனோஜ் பாண்டியன் திமுகவில் இணைந்த அதிர்ச்சியில் இருந்தே ஓபிஎஸ் இன்னமும் வெளியே வரவில்லை. இந்நிலையில், அவரது வலதுகரமாக விளங்கிய வைத்திலிங்கமும் திமுகவிற்கு தாவ இருப்பதாக தகவல் வெளியாகியுள்ளது. தனது MLA பதவியை ராஜினாமா செய்துவிட்டு, ஸ்டாலின் முன்னிலையில் இன்று அவர் திமுகவில் இணைவார் என கூறப்படுகிறது. 2021-ல் ஒரத்தநாடு தொகுதியில் அதிமுக சார்பில் போட்டியிட்டு அவர் வெற்றிபெற்றது குறிப்பிடத்தக்கது.