News August 24, 2025
தமிழக பயணம் திடீர் ரத்து; குஜராத் செல்லும் PM மோடி
PM மோடி வரும் 26-ம் தேதி தமிழகம் வரவிருந்த நிலையில், அந்தப் பயணம் ரத்து செய்யப்பட்டுள்ளது. 2 நாள் பயணமாக நாளை குஜராத் செல்லும் அவர், ₹5,400 கோடி மதிப்பிலான பல திட்டங்களுக்கு அடிக்கல் நாட்ட உள்ளார். மேலும், ரயில்வே, நெடுஞ்சாலை, மின்சாரம் உள்ளிட்ட துறைகளில் ₹1,400 கோடி மதிப்பிலான முடிவடைந்த திட்டங்களை மக்களின் பயன்பாட்டிற்கு தொடங்கி வைப்பதோடு, பொதுக்கூட்டத்திலும் பேச உள்ளார்.
Similar News
News August 25, 2025
வாணியம்பாடி அருகே பனை மரத்தில் மோதி விபத்து!
திருப்பத்தூர் மாவட்டம், வாணியம்பாடி அடுத்த சிக்கனம்குப்பம் அருகே மது போதையில் இருசக்கர வாகனத்தை ஓட்டி வந்த மூன்று இளைஞர்கள் சாலையில் இருந்த பனை மரத்தில் மோதி நிலை தடுமாறி கீழே விழுந்தனர். இதை கண்ட பகுதி மக்கள் உடனடியாக அவர்களை 108 ஆம்புலன்ஸ் வரவைத்து வாணியம்பாடி அரசு மருத்துவமனைக்கு அனுப்பி வைத்தனர். மேலும் இது குறித்து அம்பலூர் காவல்துறையினர் விசாரணை மேற்கொண்டு வருகின்றனர்.
News August 25, 2025
சிங்கம் தூங்கக்கூடாது: விஜய்யை சாடிய சரத்குமார்
கள அரசியலில் ஈடுபடவில்லை என்ற குற்றச்சாட்டுக்கு, சிங்கம் வேட்டைக்கு மட்டுமே வெளியில் செல்லும் என்று விஜய் பதிலளித்திருந்தார். இந்நிலையில், இதுகுறித்து பேசிய சரத்குமார், இந்த சிங்கம் வேட்டைக்கு மட்டும்தான் போகுமாம், பின்பு படுத்து தூங்கி விடுமாம் என்று விமர்சித்துள்ளார். சிங்கம் சிங்கமாக இருக்க வேண்டும், தூங்கக்கூடாது என்றும் அவர் சாடியுள்ளார். விஜய்யின் அரசியல் பற்றி உங்கள் கருத்து என்ன?
News August 25, 2025
நிறம் மாறும் விநாயகர்.. அற்புத கோயில்!
நாகர்கோவில் அருகே உள்ள கேரளபுரம் என்ற கிராமத்தில் அதிசய விநாயகர் கோயிலில், விநாயகரின் சிலை 6 மாதத்திற்கு ஒரு முறை நிறம் மாறுகிறது. மார்ச் – ஜூனில் விநாயகர் கருப்பாகவும், ஜூலை – பிப்ரவரியில் விநாயகர் வெள்ளை நிறமாகவும் மாறுகிறார் என கூறப்படுகிறது. மேலும், கோயில் கிணற்றின் நீர், விநாயகர் வெள்ளையாக இருக்கும் போது கருப்பாகவும், விநாயகர் கருப்பு நிறமாக இருக்கும்போது வெள்ளை நிறமாகவும் மாறுகிறதாம்.