News August 12, 2025
மகாராஷ்டிராவில் கோர விபத்து: 8 பேர் உயிரிழப்பு
மகாராஷ்டிரா மாநிலம் ஹெத் மலைப்பகுதியில் கேஷ்திர மகாதேவ் குண்டேஷ்வர் என்ற சிவன் கோவில் உள்ளது. இக்கோவிலை தரிசனம் செய்வதற்காக 40 பக்தர்களுடன் வந்த மினி சரக்கு லாரி ஒன்று எதிர்பாராத விதமாக பள்ளத்தாக்கில் கவிழ்ந்து விபத்துக்குள்ளானது. இதில் 8 பெண்கள் உயிரிழந்த நிலையில், 29 பேர் படுகாயமடைந்துள்ளனர். உயிரிழந்தவர்களின் குடும்பத்துக்கு ₹4 லட்சம் நிவாரணம் அம்மாநில அரசு சார்பில் அறிவிக்கப்பட்டுள்ளது.
Similar News
News August 12, 2025
மேலும் 476 அரசியல் கட்சிகளை நீக்கிய EC
தேர்தலில் போட்டியிடாத பதிவுசெய்யப்பட்ட 476 கட்சிகளை தேர்தல் ஆணையம்(EC) நீக்கியுள்ளது. இதில் அதிகபட்சமாக உத்தரப் பிரதேசத்தில் 121 கட்சிகள் நீக்கப்பட்டுள்ளன. தமிழகத்தை பொறுத்தவரை 44 கட்சிகள் இதில் அடக்கம். நாட்டிலேயே குறைந்த அளவாக அந்தமான், திரிபுரா, சண்டிகரில் தலா ஒரு அரசியல் கட்சி இந்த பட்டியலில் இடம்பெற்றுள்ளது. ஏற்கனவே 334 கட்சிகளை EC நீக்கியது கவனிக்கத்தக்கது.
News August 12, 2025
பல மாவட்டங்களில் அரசுப் பள்ளிகள் மூடல்
தமிழகத்தில் சுமார் 207 அரசுப் பள்ளிகளில் மாணவர் எண்ணிக்கை பூஜ்ஜியம் ஆனதால், அப்பள்ளிகள் மூடப்பட்டு வருவதாக அதிர்ச்சி தகவல் வெளியாகியுள்ளது. இதில், அதிகபட்சமாக நீலகிரியில் 17 பள்ளிகளும், சிவகங்கை 16, திண்டுக்கல் 12, சென்னை, மதுரை, ஈரோட்டில் 10 பள்ளிகளும் மூடப்பட்டுள்ளன. அதேபோல், கோவை, திருப்பூர், விருதுநகர், தி.மலை, குமரி, நெல்லை உள்ளிட்ட பல மாவட்டங்களில் பள்ளிகள் மூடப்பட்டுள்ளதாக கூறப்படுகிறது.
News August 12, 2025
ரொனால்டோவுக்கு டும் டும் டும்..
தனது 8 ஆண்டு காதலியான ஜார்ஜினாவை நட்சத்திர கால்பந்து வீரர் கிறிஸ்டியானோ ரொனால்டோ விரைவில் திருமணம் செய்ய உள்ளார். நிச்சயதார்த்த மோதிரத்துடன் ஜார்ஜினா போட்டோ ஒன்றை சோஷியல் மீடியாவில் பகிர்ந்துள்ளார். இவர்களுக்கு ஏற்கனவே 5 குழந்தைகள் உள்ளனர். விளையாட்டு வீரர்களில் அதிக வருமானம் ஈட்டும் ரொனால்டோ விரைவில் பிரமாண்டமாக திருமணத்தை செய்ய உள்ளதாக கூறப்படுகிறது.