News July 9, 2025
சிறுமிக்கு தொல்லை வாலிபர் கைது
சென்னை மணலி புதுநகரில் 7 வயது சிறுமிக்கு பாலியல் தொல்லை கொடுக்க முயன்ற முரளி என்பவர் கைது செய்யப்பட்டார். வீட்டின் அருகே விளையாடிக் கொண்டிருந்த சிறுமியை சாக்லேட், பொம்மை தருவதாகக் கூறி வீட்டிற்கு அழைத்துச் சென்று அவர் பாலியல் சீண்டலில் ஈடுபட்டுள்ளார். அக்கம் பக்கத்தினர் அளித்த புகாரின் பேரில் முரளி கைது செய்யப்பட்டதாக காவல்துறை தெரிவித்துள்ளது.
Similar News
News July 9, 2025
சென்னையில் 1002 ரவுடிகள் குண்டாஸில் கைது
சென்னையில் கடந்த ஆண்டு ஜூலை 8ம் தேதி முதல் நேற்று வரை 1,002 பேர் குண்டர் சட்டத்தின் கீழ் கைது செய்யப்பட்டுள்ளனர். பகுஜன் சமாஜ் கட்சி தலைவர் ஆம்ஸ்ட்ராங் கொலை வழக்கில் கைது செய்யப்பட்ட 26 குற்றவாளிகளும் குண்டர் தடுப்பு சட்டத்தில் கைதாகி சிறையில் உள்ளனர். இந்நிலையில், குண்டர் தடுப்பு சட்ட அலுவலக பிரிவில் பணிபுரிந்து வருவோருக்கு கமிஷனர் அருண் வெகுமதி வழங்கினார். *ரவுடிகளின் கூடாரமாக உள்ளதா சென்னை?*
News July 9, 2025
திமுக நாடாளுமன்ற உறுப்பினர்கள் கூட்டம் அறிவிப்பு
முதல்வர் ஸ்டாலின் தலைமையில் ஜூலை 18ம் தேதி திமுக நாடாளுமன்ற உறுப்பினர்கள் கூட்டம் நடைபெறும் என அக்கட்சியின் பொதுச் செயலாளர் துரைமுருகன் அறிக்கை வெளியிட்டுள்ளார். இக்கூட்டம் அன்றைய தினம் காலை 10.30 மணியளவில் சென்னை அறிவாலயத்தில் நடைபெற உள்ளது. நாடாளுமன்ற மழைக்கால கூட்டத்தொடரில் முன்வைக்கப்பட வேண்டிய பிரச்னைகள் தொடர்பாக, முதல்வர் உரிய அறிவுறுத்தல்களை வழங்குவார் என தகவல் வெளியாகியுள்ளது.
News July 8, 2025
காங்கிரஸ் மாநில பொதுச் செயலாளராக திருநங்கை தேர்வு
இன்று ராயப்பேட்டை, சத்தியமூர்த்தி பவனில் நடைபெற்ற நிகழ்வில், திருநங்கை சரண்யா தமிழ்நாடு இளைஞர் காங்கிரஸின் மாநில பொதுச்செயலாளராகத் தேர்ந்தெடுக்கப்பட்டார். இப்பதவிக்குத் தேர்ந்தெடுக்கப்பட்ட முதல் திருநங்கை இவர். தமிழ்நாடு காங்கிரஸ் கமிட்டி தலைவர் செல்வப் பெருந்தகை பொன்னாடை அணிவித்து சரண்யாவை வாழ்த்தினார். காங்கிரஸ் கட்சியின் மாநில மற்றும் மாவட்ட நிர்வாகிகள் இந்த நிகழ்வில் கலந்து கொண்டனர்.