News May 7, 2025
நாளைக்குள் இந்தியா தாக்கும்: பாக்., அமைச்சர்
பஹல்காம் தாக்குதல் விவகாரத்தில் இன்னும் 24 – 36 மணிநேரத்தில் இந்திய ராணுவம் இஸ்லாமாபாத்தில் தாக்குதல் நடத்த திட்டமிட்டுள்ளதாக பாக்., அமைச்சர் அட்டாவுல்லா தரார் தெரிவித்துள்ளார். தாக்குதல் நடத்த இந்தியா தயாராகி வருவதாக நம்பகமான உளவுத்துறை தகவல் கிடைத்திருப்பதாக அவர் குறிப்பிட்டுள்ளார். முன்னதாக, பதிலடி கொடுக்க இந்திய ராணுவத்திற்கு முழு சுதந்திரம் உள்ளதாக PM மோடி நேற்று தெரிவித்து இருந்தார்.
Similar News
News November 5, 2025
பிரபல மராத்தி நடிகை காலமானார்
பிரபல மராத்தி நடிகை தயா டோங்ரே (85) வயது முதிர்வு காரணமாக காலமானார். 16 வயதில் நாடகத் துறையில் நுழைந்த அவர், பல்வேறு சீரியல்கள் மற்றும் படங்களில் நடித்து மக்கள் மனதை கவர்ந்தார். தூர்தர்ஷனில் வெளியான ‘Gajara’ சீரியலில் நடித்ததன் மூலம் தேசிய அளவில் பிரபலமானார். இவரது இழப்பினால், மராத்திய நாடக கலையின் சகாப்தம் முடிவுக்கு வந்ததாக பல்வேறு தரப்பினர் இரங்கல் தெரிவித்து வருகின்றனர்.
News November 5, 2025
RAIN ALERT: நாளை மிக கவனம்
சென்னை உள்ளிட்ட மாவட்டங்களில் இன்றிரவு கனமழை பெய்தது. இந்நிலையில், நாளை(நவ.5) தஞ்சை, திருவாரூர், நாகை, மயிலாடுதுறை, புதுக்கோட்டை, அரியலூர், திருச்சி ஆகிய மாவட்டங்களில் கனமழைக்கான மஞ்சள் அலர்ட் விடுக்கப்பட்டுள்ளது. மேலும், நாளை மறுநாளும் 10-க்கும் மேற்பட்ட மாவட்டங்களில் கனமழை பெய்யக்கூடும் எனத் தெரிவிக்கப்பட்டுள்ளது. அதனால், வெளியே செல்பவர்கள் மறக்காமல் குடையை எடுத்துச் செல்லுங்கள்!
News November 5, 2025
நகை கடன்… முக்கிய அறிவிப்பு
2026 ஏப்.1 முதல், தங்கத்தைபோல் வெள்ளியையும் அடகு வைத்து கடன் பெறலாம் என RBI அண்மையில் அறிவித்தது. இதில் முக்கிய அம்சமாக, வெள்ளி நகைகள், நாணயங்களுக்கு மட்டுமே கடன் வழங்கப்படும். பார் வெள்ளி, ETF, மியூச்சுவல் பண்ட் போன்ற நிதி சொத்துக்கு கடன் கிடையாது. நீங்கள் ₹2.5 லட்சம் வரை பெற விரும்பினால் வெள்ளியின் மதிப்பில் 85% கடன் கிடைக்கும். ₹5 லட்சம் வரை 80% வரையும், அதற்கு மேல் 75% வரையும் கடன் பெறலாம்.