News April 29, 2025
பாஜகவில் இணையும் ப்ரீத்தி ஜிந்தா?
உங்களது சமீபகால பதிவுகள் பாஜக சார்பாக இருக்கிறதே, நீங்கள் அக்கட்சியில் இணைய போகிறீர்களா என ரசிகர் ஒருவர் நடிகை ப்ரீத்தி ஜிந்தாவிடம் X தளத்தில் கேள்வி எழுப்பினார். அதற்கு, அரசியலில் ஈடுபடும் எண்ணம் தனக்கு இல்லை என நடிகை பதிலளித்துள்ளார். மேலும், கோயில், மகா கும்பமேளாவிற்கு செல்வது, தன்னுடைய அடையாளத்தை நினைத்து பெருமைப்படுவது என்பது பாஜகவில் சேர்வதற்கான அறிகுறி இல்லை எனவும் தெரிவித்துள்ளார்.
Similar News
News April 29, 2025
தங்கம் வாங்க சரியான நேரம் இதுதான்
அட்சய திருதியை என்றதும் அனைவரின் நினைவுக்கும் வருவது தங்கம் தான். ஏனெனில் அட்சய திருதியை அன்று தங்கம் வாங்கினால் வீட்டில் தங்கம், செல்வம் பெருகும் என்று நம்பப்படுகிறது. இன்று மாலை 5.31 மணி முதல் நாளை மதியம் 2.12 மணி வரை அட்சய திருதியை நடைபெறவுள்ளது. குறிப்பாக, நாளை அதிகாலை 5.41 மணி முதல் மதியம் 12.18 மணி வரை சுப முகூர்த்தமாகும். இந்த நேரத்தில் தங்கம் வாங்கினால், வீட்டில் செல்வம் கொழிக்கும்.
News April 29, 2025
வலுக்கட்டாய கடன் வசூலுக்கு 5 ஆண்டுகள் சிறை
கடன்களை வலுக்கட்டாயமாக வசூலித்தால், 5 ஆண்டுகள் சிறை தண்டனை விதிக்கும் மசோதா சட்டப்பேரவையில் நிறைவேறியது. துணை முதலமைச்சர் தாக்கல் செய்த இந்த மசோதா மீது விவாதம் நடத்தப்பட்டு இன்று பேரவையில் நிறைவேற்றப்பட்டது. இந்த மசோதாவுக்கு தவாக, கம்யூனிஸ்ட் உள்ளிட்ட பல கட்சிகள் ஆதரவு தெரிவித்தன. அடாவடி கடன் வசூலால் தற்கொலைகள் அதிகரிக்கும் நிலையில் இந்த மசோதா நிறைவேற்றப்பட்டிருக்கிறது.
News April 29, 2025
சல்மான் கானுக்கு நானி கொடுத்த பதில்
தென்னிந்தியாவில் பாலிவுட் படங்களை பார்ப்பதில்லை என சல்மான் கான் தெரிவித்திருந்தார். அதற்கு பதிலளித்த நானி அப்படி ஒன்றும் இல்லை பாலிவுட் படங்களுக்கு தென்னிந்தியாவில் எப்போதும் வரவேற்பு உள்ளதாக கூறியுள்ளார். அமிதாபச்சன் தொடங்கி சல்மான் கான் வரை அனைவரின் படமும் தெற்கில் பார்க்கப்படுவதாகவும், பல ஹிந்தி பாடல் இங்கு ஹிட்டாகியுள்ளதாகவும் தெரிவித்துள்ளார்.