News April 27, 2025
130 அணு ஆயுதங்கள் தயார்.. பாக். அமைச்சர் மிரட்டல்
பாகிஸ்தானுக்கு தண்ணீர் வழங்குவதை நிறுத்தினால் இந்தியா போருக்குத் தயாராக வேண்டும் என பாக். அமைச்சர் ஹனீஃப் அபாஸி எச்சரிக்கை விடுத்துள்ளார். தங்களிடம் உள்ள 130 அணு ஆயுதங்கள் இந்தியாவை மட்டுமே குறிவைத்துள்ளதாகவும், ஆனால் அவை எங்கு உள்ளது என்பது யாருக்கும் தெரியாது எனவும் மிரட்டும் பாணியில் பேசியுள்ளார். பஹல்காம் தாக்குதலைத் தொடர்ந்து சிந்து நதி நீர் பங்கீடு ஒப்பந்தத்தை இந்தியா நிறுத்தியுள்ளது.
Similar News
News April 28, 2025
மார்ட்டின் ஸ்கார்செஸி படத்தில் ஜான்வி கபூர்!
உலக சினிமாவின் ஜாம்பவான் மார்ட்டின் ஸ்கார்செஸி, ‘ஹோம்பவுண்ட்’ என்ற இந்தி படத்தில் Executive producer-ஆக இணைந்துள்ளார். கேன்ஸ் திரைப்பட விழாவில் திரையிடப்பட இருக்கும் ‘ஹோம்பவுண்ட்’ படத்தில் அவர் இணைந்திருப்பது, படத்தை உலக ரசிகர்களுக்கு கொண்டு செல்லும். கரண் ஜோகர் தயாரித்துள்ள இப்படத்தில், ஜான்வி கபூர், இஷான் கட்டர் ஆகியோர் நடித்துள்ளனர். மசான் படத்தை இயக்கிய நீரஜ் கைவான் இயக்கி உள்ளார்.
News April 28, 2025
9 தீவிரவாதிகளின் வீடுகள் ராணுவத்தால் தகர்ப்பு
ஜம்மு-காஷ்மீரில் இந்திய ராணுவத்தால் இதுவரை 9 தீவிரவாதிகளின் வீடுகள் இடித்து தள்ளப்பட்டுள்ளன. பஹல்காம் தாக்குதலுக்கு காரணமானவர்களாக சந்தேகிக்கப்படும் தீவிரவாதிகளின் வீடுகளை ராணுவம் வெடிகுண்டு வைத்தும், பொக்லைன் வைத்தும் தகர்த்து வருகிறது. நேற்று தீவிரவாதிகள் அமீர் நஷிர், ஷாஃபி, ஜமீல் அகமது ஆகியோரின் வீடுகளை ராணுவம் இடித்து தள்ளியது. அதேபோல் தீவிரவாதிகள் தேடுதல் வேட்டையும் நடக்கிறது.
News April 28, 2025
இவர் தான் பல்துறை அமைச்சரோ!
திமுக ஆட்சி வந்தவுடன், போக்குவரத்து துறை அமைச்சராக பொறுப்பேற்ற ராஜகண்ணப்பன், 2022-ல் பிற்படுத்தப்பட்டோர் நலத்துறைக்கு மாற்றப்பட்டு, பின் கூடுதலாக காதி துறையும் ஒதுக்கப்பட்டது. 2023-ல் பொன்முடிக்கு நெருக்கடி ஏற்பட்டபோது, உயர்கல்வி துறை ராஜகண்ணப்பனுக்கு கூடுதலாக ஒதுக்கப்பட்டது. 2024-ல் பால்வளத்துறைக்கு மாற்றப்பட்ட அவருக்கு, தற்போதைய அமைச்சரவை மாற்றத்தில் வனம், காதி துறைகள் ஒதுக்கப்பட்டுள்ளன.