News April 20, 2025
BREAKING: பதவி விலகலை வாபஸ் பெற்றார் துரை வைகோ
மதிமுக முதன்மைச் செயலாளர் பதவியிலிருந்து துரை வைகோ நேற்று விலகுவதாக அறிவித்தார். இதையடுத்து இன்று நடைபெற்ற மதிமுக நிர்வாகக் குழு கூட்டத்தில் அவரது பதவி விலகல் குறித்து எதுவும் தெரிவிக்கப்படவில்லை. இதனால் துரை வைகோவின் பதவி விலகலை மதிமுக நிர்வாகக்குழு நிராகரித்து விட்டதாக கூறப்படுகிறது. இந்நிலையில், நிர்வாகிகள் வலியுறுத்தலை அடுத்து, பதவி விலகலை வாபஸ் பெறுவதாக துரை வைகோ அறிவித்துள்ளார்.
Similar News
News September 10, 2025
பாலியல் வழக்கில் பிருத்வி ஷாக்கு ₹100 ஃபைன்!
2024-ல் கிரிக்கெட் வீரர் பிருத்வி ஷா மீது சப்னா கில் என்ற பெண் பாலியல் புகார் அளித்த நிலையில், புகார் தொடர்பாக பதிலளிக்கும்படி பிருத்வி ஷாக்கு நீதிமன்றம் உத்தரவிட்டது. பலமுறை உத்தரவிட்டும் பதிலளிக்காததால், தற்போது நீதிமன்றம் அவருக்கு ₹100 அபராதம் விதித்துள்ளது. இத்துடன் வரும் டிசம்பர் 16-ம் தேதிக்குள் இந்த வழக்கில் பிருத்வி ஷா பதிலளிக்க வேண்டும் எனவும் மேலும் ஒரு வாய்ப்பையும் வழங்கியுள்ளது.
News September 10, 2025
BREAKING: பெண்களுக்கு ‘ஒரு சவரன் தங்கம்’.. தமிழக அரசு
பெண்களுக்கான ‘தாலிக்கு தங்கம்’ வழங்கும் திட்டத்தை தமிழக அரசு மீண்டும் செயல்படுத்தவுள்ளது. தற்போது தங்கத்தின் விலை கிராமுக்கு ₹10,000-ஐ தாண்டிவிட்டது. இந்நிலையில், செயல்பாட்டில் உள்ள 4 திருமண நிதியுதவி திட்டங்களில் 22 கேரட் ஒரு சவரன் தங்கம் வழங்க அரசு முடிவு செய்துள்ளது. இதன்படி, முதற்கட்டமாக ₹45 கோடி மதிப்பீட்டில், 5,460 தங்க நாணயங்கள் கொள்முதலுக்கு டெண்டர் கோரப்பட்டுள்ளது.
News September 10, 2025
ஆக்ஷனில் இறங்கிய ராமதாஸ்; அன்புமணிக்கு செக்
பாமகவிலிருந்து அன்புமணியை தற்காலிகமாக நீக்கும் பணிகள் நடந்து வருவதாக கூறப்படுகிறது. இப்படி நடந்தால் கட்சி, சின்னத்துக்கு அன்புமணி உரிமை கோர வாய்ப்புள்ளது என்பதற்காக முன்கூட்டியே ராமதாஸ் தரப்பு சென்னை HC & உரிமையியல் கோர்ட்டில் கேவியட் மனுதாக்கல் செய்துள்ளது. கட்சி, சின்னத்துக்கு அன்புமணி உரிமை கோரினால் தங்களை கேட்காமல் உத்தரவு பிறப்பிக்க கூடாது என மனுவில் குறிப்பிடப்பட்டுள்ளது.