News April 18, 2025
நாளை இலவச முழு உடல் மருத்துவ பரிசோதனை முகாம்
மயிலாடுதுறை ரோட்டரி சங்கம் தர்மபுரம் கலைக்கல்லூரி தனலட்சுமி சீனிவாசன் மருத்துவமனை சார்பில் தருமபுரம் ஆதீனம் மணிவிழாவை முன்னிட்டு நாளை சனிக்கிழமை தருமபுரம் ஆதீனம் கலைக்கல்லூரியில் காலை 8:30 மணி முதல் 2:00 மணி வரை இலவச முழு உடல் மருத்துவ பரிசோதனை முகாம் நடைபெற உள்ளது. முகாமில் ரூ.5000 மதிப்புள்ள இசிஜி எக்கோ ஸ்கேன் பரிசோதனை முற்றிலும் இலவசமாக செய்யப்படவுள்ளது. பொதுமக்கள் பங்கேற்று பயன பெறலாம்.
Similar News
News August 13, 2025
மதுபான கடைகளை மூட உத்தரவு
தமிழக அரசு உத்தரவுபடி மயிலாடுதுறை மாவட்டத்தில் செயல்பட்டு வரும் அரசு மதுபான சில்லறை விற்பனை கடைகள் மதுபானக்கூடங்கள் அனைத்தும் ஆகஸ்ட்15 சுதந்திர தினத்தன்று முழுவதுமாக மூட வேண்டும் மதுபானங்கள் விற்பனை செய்யக்கூடாது. இதனை மீறினால் தொடர்புடைய மதுபான கடைகளின் மேற்பார்வையாளர்கள், தனியார் உரிமதாரர்கள் மீது சட்டப்படி நடவடிக்கை மேற்கொள்ளப்படும் என ஆட்சியர் ஸ்ரீகாந்த் தெரிவித்துள்ளார்.
News August 13, 2025
மயிலாடுதுறை: ரயிலில் பாய்ந்து தற்கொலை!
சீர்காழி ஈசானிய தெருவை சேர்ந்தவர் அசோக் இளவரசன் (33). என்ஜினீயரான இவர் குடிநீர் நிறுவனம் நடத்தி வந்தார். மேலும் இவர் பங்கு சந்தையில் முதலீடு செய்து வந்துள்ளார். இதில் நஷ்டம் ஏற்பட்டதில் கடன் பிரச்சினை ஏற்பட்டது. இதன் காரணமாக அவர் மிகுந்த மன அழுத்தத்தில் இருந்து வந்தார். இந்நிலையில் திடீரென உப்பனாறு ரெயில்வே பாலம் அருகே வந்த ராமேஸ்வரம் எக்ஸ்பிரஸ் ரயிலின் முன்பு குதித்து தற்கொலை செய்துகொண்டார்.
News August 13, 2025
தொடர் மதுவிலக்கு குற்றங்கள் ஈடுபட்டவர் மீது குண்டர் சட்டம்
சீர்காழி அருகே திருமுல்லைவாசல் பகுதியில் சீர்காழி போலீசார் கடந்த ஜூலை 22 ஆம் தேதி சோதனை மேற்கொண்டதில் சட்டவிரோதமாக மது விற்பனை செய்த அம்பேத்கர் நகரை சேர்ந்த ராஜ்குமார் என்பவரை கைது செய்தனர். இவர் தொடர் மதுவிலக்கு குற்றங்களில் ஈடுபட்டு வருவதால் எஸ் பி அறிவுறுத்தலின்படி மாவட்ட ஆட்சியர் உத்தரவின் பேரில் தடுப்பு காவல் சட்டத்தில் ராஜ்குமாரை கைது செய்து இன்று கடலூர் மத்திய சிறையில் அடைத்தனர்.