News April 17, 2025
திமுகவை வீட்டுக்கு அனுப்ப பொன்முடி போதும்: ராமலிங்கம்
பொன்முடியின் பேச்சால், அவரின் மீது பெண்கள் கோபத்தோடு இருக்கின்றனர்; திமுக ஆட்சி வீட்டுக்கு அனுப்பப்படுவதற்கு அவர் மாதிரியான ஆட்களே போதும் என்று பாஜக துணைத் தலைவர் ராமலிங்கம் விமர்சித்துள்ளார். மேலும், பொன்முடிக்கு சேரும் பெருமையெல்லாம், முதல்வர் ஸ்டாலினையும் சேரும் என சாடிய அவர், இதுபோன்ற விவகாரங்களை திசை திருப்பவே திமுக, அதிமுக – பாஜக கூட்டணியை விமர்சிப்பதாகவும் கூறியுள்ளார்.
Similar News
News April 19, 2025
IPL: RR கேப்டன் மாற்றம்
இன்று மாலை நடைபெறவிருக்கும் IPL போட்டியில் LSG, RR அணிகள் மோதுகின்றன. இதில், டாஸ் வென்று பேட்டிங் செய்ய முடிவு செய்திருக்கிறார் LSG அணியின் கேப்டன் ரிஷப் பண்ட். RR கேப்டன் சஞ்சு சாம்சனுக்கு காயம் ஏற்பட்டிருப்பதால் இப்போட்டியில் அவருக்கு பதிலாக ரியான் பராக் கேப்டனாக பொறுப்பேற்கிறார். பயிற்சியாளர் டிராவிடுக்கும் சஞ்சுவுக்கு மோதல் என்று கிசுகிசுக்கப்படும் வேளையில் கேப்டன் மாற்றம் நிகழ்ந்திருக்கிறது.
News April 19, 2025
தமிழகத்தில் வெப்பம் 40 டிகிரியை கடந்தது
சித்திரை மாதம் தொடங்கியிருக்கும் நிலையில், தமிழகத்தில் வெயிலின் தாக்கமும் அதிகரித்து வருகிறது. அதிகபட்சமாக, வேலூரில் இன்று வெப்பம் 40.5 டிகிரி செல்சியஸாக பதிவானது. அடுத்தபடியாக, திருத்தணி (39.6 டிகிரி), மதுரை (39.5 டிகிரி), கரூர் பரமத்தி (39 டிகிரி), திருச்சி (38.7 டிகிரி) என வெப்பம் பதிவாகியுள்ளது. சென்னையில் அதிகபட்சம் வெப்பம் 36 டிகிரி செல்சியஸாக இருந்தது.
News April 19, 2025
சவுதி பறக்கும் பிரதமர் மோடி
பிரதமர் மோடி வரும் 22ஆம் தேதி 2 நாள் பயணமாக சவுதி அரேபியா செல்ல உள்ளார். சவுதியின் பட்டத்து இளவரசர் முகமது பின் சல்மானின் அழைப்பை ஏற்று, அவர் இந்த பயணத்தை மேற்கொள்ள உள்ளார். இருநாட்டு தலைவர்களும் வர்த்தகம் மற்றும் இருதரப்பு உறவுகள் குறித்து ஆலோசனை நடத்த உள்ளனர். இருநாட்டு தலைவர்கள் முன்னிலையில் பல்வேறு முக்கிய ஒப்பந்தங்கள் கையெழுத்தாகும் என எதிர்பார்க்கப்படுகிறது.