News April 15, 2025
ஆம்ஸ்ட்ராங்கின் மனைவி பொற்கொடி திடீர் நீக்கம்
பகுஜன் சமாஜ் (BSP) மாநில ஒருங்கிணைப்பாளர் பொறுப்பிலிருந்து பொற்கொடி ஆம்ஸ்ட்ராங் நீக்கம் செய்யப்பட்டுள்ளார். குடும்பத்தைக் கவனித்து கொள்ளவும், ஆம்ஸ்ட்ராங் கொலை வழக்கை சிபிஐ விசாரணைக்கு மாற்றுவதில் கவனம் செலுத்தும் வகையில் பதவியிலிருந்து அவரை நீக்கம் செய்வதாக அக்கட்சியின் மத்திய ஒருங்கிணைப்பாளர் சமாஜ் ராஜாராம் அறிவித்துள்ளார். மாநிலத் தலைவர் ஆனந்தன் மீது அண்மையில் பொற்கொடி புகார் கூறியிருந்தார்.
Similar News
News January 11, 2026
POCSO சட்டத்தில் ‘ரோமியோ-ஜூலியட்’ விதி: SC
POCSO சட்டத்தின் தவறான பயன்பாட்டை குறித்து SC கவலை தெரிவித்துள்ளது. டீனேஜ் காதல் உறவுகள் மீதான கடுமையான குற்றச்சாட்டுகளில் இருந்து விலக்கு அளிக்க ‘ரோமியோ-ஜூலியட்’ விதியை POCSO சட்டத்தில் சேர்க்க மத்திய அரசுக்கு பரிந்துரைத்துள்ளது. தனிப்பட்ட விரோதத்திற்காக POCSO பயன்படுத்தப்படுவதால், ஒருமித்த பாலியல் உறவுகளை கடுமையான குற்றச்சாட்டுகளில் இருந்து ‘ரோமியோ-ஜூலியட் விதி’ பாதுகாக்கும்.
News January 11, 2026
மகாராஷ்டிராவில் இணையும் பவார்கள்
தேர்தல் அரசியலை பொறுத்தவரை அரசியல் கட்சிகள் கூட்டணியில் இணைவதும், பிரிவதும் வழக்கமான ஒன்றுதான். அதுதான் விரைவில் மகாராஷ்டிராவிலும் நிகழப்போகிறது. சமீபத்தில் உத்தவ் தாக்கரே, ராஜ் தாக்கரே இணைந்தனர். அதுபோலதான் அஜித் பவாரின் தேசியவாத காங்கிரஸ் கட்சியும், சரத் பவாரின் தேசியவாத காங்கிரஸ் (SP) கட்சியும் ஜன.15-ம் தேதி நடக்கவிருக்கும் புனே, பிம்ப்ரி சின்ச்வாட் மாநகராட்சி தேர்தலில் கைகோர்த்துள்ளன.
News January 11, 2026
USA-வில் அடுத்தடுத்து துப்பாக்கிச் சூடு.. 6 பேர் பலி
அமெரிக்காவில் அடுத்தடுத்து நடந்த துப்பாக்கிச் சூட்டில் 6 பேர் கொல்லப்பட்டதாக அதிர்ச்சித் தகவல் வெளியாகியுள்ளது. கிழக்கு மிசிசிப்பி, அலபாமா எல்லைக்கு அருகிலுள்ள வெஸ்ட் பாயிண்ட் பகுதியில் 3 வெவ்வேறு இடங்களில் நடந்த இந்த துப்பாக்கிச் சூட்டில் 6 அப்பாவி பொதுமக்கள் உயிரிழந்துள்ளனர். இச்சம்பவத்திற்கான காரணம் இன்னும் வெளியாகாத நிலையில், ஒருவரை கைது செய்து போலீசார் விசாரணை நடத்தி வருகின்றனர்