News April 13, 2025
IPL: மும்பை அணி முதலில் பேட்டிங்..!
டெல்லி – மும்பை அணிகள் சற்றுநேரத்தில் பலப்பரீட்சை நடத்த காத்திருக்கின்றன. புள்ளிப் பட்டியலில் முதலில் இருக்கும் டெல்லி அணி நடப்பு சீசனில் தோல்வியே காணாமல் 4 போட்டிகளில் வென்றுள்ளது. 9-வது இடத்தில் உள்ள மும்பை அணி ஒரே ஒரு போட்டியை தவிர மற்ற போட்டிகளில் எல்லாம் தோல்வியை தழுவியுள்ளது. வெற்றியை தொடர டெல்லியும், கண்டிப்பாக வெல்ல மும்பையும் முனைப்பு காட்டும். இன்று ஜெயிக்கப் போவது யார்?
Similar News
News April 16, 2025
விஜய்க்கு எதிராக ஃபத்வா
அகில இந்திய முஸ்லிம் ஜமாத் என்ற அமைப்பு விஜய்க்கு கண்டனம் தெரிவித்து ஃபத்வா வெளியிட்டுள்ளது. இதன்படி, தமிழக இஸ்லாமியர்கள் விஜய்யிடம் இருந்து தள்ளி இருக்க வேண்டும் என்று வலியுறுத்துகிறது. குடிகாரர்கள் மற்றும் சூதாடுபவர்களை இஃப்தார் விருந்துக்கு அழைத்து வந்து, விஜய் பாவம் செய்துவிட்டதாக ஜமாத் குறிப்பிட்டுள்ளது. மேலும், விஜய்யை எந்த நிகழ்ச்சிக்கும் அழைக்க வேண்டாம் என்றும் தெரிவித்துள்ளது.
News April 16, 2025
இந்தியா வருவதை உறுதி செய்த USA துணை அதிபர்
USA துணை அதிபர் ஜேடி வான்ஸ், வரும் 18 முதல் 24-ம் தேதிகளில் இந்தியா மற்றும் இத்தாலிக்கு பயணம் மேற்கொள்ள உள்ளதாக அறிவித்துள்ளார். இருநாடுகளின் தலைவர்களைச் சந்தித்து பொருளாதாரம் மற்றும் புவிசார் அரசியல் குறித்து விவாதிக்க உள்ளதாகவும் அவர் கூறியுள்ளார். ஜேடி வான்ஸ், இந்திய வம்சாவளியைச் சேர்ந்த அவரது மனைவி உஷா மற்றும் 3 குழந்தைகளுடன் இந்தியா வர உள்ளதாக வெளியுறவு அமைச்சக வட்டாரங்கள் தெரிவிக்கின்றன.
News April 16, 2025
ஹஜ் பயணம் – பிரதமருக்கு CM ஸ்டாலின் கடிதம்
தனியார் ஹஜ் ஒதுக்கீடு ரத்து குறித்து பிரதமர் மோடிக்கு CM ஸ்டாலின் கடிதம் எழுதியுள்ளார். அதில் ஹஜ் புனிதப் பயணத்திற்கு ஆவலுடன் தயாராகி வரும் தமிழகம் உட்பட ஆயிரக்கணக்கான இந்திய இஸ்லாமியர்களுக்கு இந்த செய்தி மிகுந்த வருத்தத்தை உண்டாக்கி உள்ளதாக அவர் தெரிவித்தார். சவுதி அரசிடம் இதுகுறித்து பேசி தீர்வு காண வேண்டும் எனவும் CM ஸ்டாலின் கேட்டுக்கொண்டார்.