News April 13, 2025
அதிருப்தியில் விஜயதாரணி?
MLA பதவியை ராஜினாமா செய்துவிட்டு, காங்கிரஸில் இருந்து பாஜகவில் இணைந்த விஜயதாரணிக்கு, எந்தப் பொறுப்பும் அறிவிக்கப்படவில்லை. அண்ணாமலை, சரத்குமார், வானதி, தமிழிசை உள்ளிட்டோர் தேசிய பொதுக்குழு உறுப்பினராக பதவியேற்றனர். ஆனால், புதிய பதவி கிடைக்கும் என எதிர்பார்த்த விஜயதாரணிக்கு எந்த பொறுப்பும் வழங்கப்படவில்லை. இதனால், அதிருப்தியடைந்த அவர், கட்சியிலிருந்து விலகலாம் என கூறப்படுகிறது.
Similar News
News February 18, 2026
அதிமுக கூட்டணியில் புதிய கட்சி
தேர்தல் நெருங்கி வரும் நிலையில், கூட்டணியை அமைக்க அனைத்து அரசியல் கட்சிகளும் தீவிரமாக செயல்பட்டு வருகின்றன. இந்நிலையில், சோழப் பேரரசு கட்சியின் நிறுவனத் தலைவர் N. சரவணன் மழவராயர் தலைமையில் அக்கட்சியின் நிர்வாகிகள் EPS-ஐ நேரில் சந்தித்து, தேர்தலில் அதிமுகவுக்கு முழு ஆதரவை அளிப்பதாக தெரிவித்தனர். அதேபோல், ஜனநாயக ஃபார்வர்ட் பிளாக், மனித உரிமைகள் கழகமும் அதிமுகவுக்கு ஆதரவு அளித்துள்ளன.
News February 18, 2026
நீங்கள் இறந்தது போன்ற கனவு வருகிறதா?
நீங்கள் உயிரிழப்பது போன்று எப்போதாவது கனவில் வந்ததுண்டா? இப்படிப்பட்ட கனவுகளால் நாம் நிஜமாகவே இறந்துவிடுவோம் என்று எண்ண வேண்டாம். நாம் ஏதோ ஒன்றை புதிதாக செய்யப்போகிறோம், நம்மிடம் இருந்து எதையோ நிறுத்திவிட்டு புதிய மனிதராக வாழப்போகிறோம் என்பதுதான் இந்த கனவுக்கு அர்த்தமாம். நடக்க இருக்கும் மாற்றத்தை உணர்த்தும் வகையிலே இது போன்ற கனவுகள் வருகிறதாம். அதனால் பயம் வேண்டாம்.. மாற்றம் ஒன்றே மாறாதது.
News February 18, 2026
நகைக் கடன் தள்ளுபடி முடிவு.. ஹேப்பி நியூஸ்
மகளிர் வங்கிக் கணக்கில் ₹5,000 டெபாசிட் செய்து TN அரசு இன்பஅதிர்ச்சி கொடுத்தது. இந்நிலையில், நகைக் கடன் தள்ளுபடி குறித்த தேர்தல் வாக்குறுதிக்காக மக்கள் காத்திருக்கின்றனர். அவர்களுக்கு மகிழ்ச்சியளிக்கும் விதமாக, கூட்டுறவு வங்கிகளில் நிலுவையிலுள்ள நகைக் கடன் விவரங்களை TN அரசு கேட்டிருப்பதாக கூறப்படுகிறது. இதனால், நகைக் கடன் தள்ளுபடி குறித்த வாக்குறுதி விரைவில் வெளியாகும் என எதிர்பார்க்கப்படுகிறது.