News April 12, 2025
வாட்ஸ்ஆப் வேலை செய்யவில்லை?
இன்று மாலை முதல் வாட்ஸ்ஆப்பில் மெசேஜ்கள் அனுப்ப முடியவில்லை என சோஷியல் மீடியாவில் பலரும் பதிவிட்டு வருகின்றனர். ஸ்டேட்டஸ் / ஸ்டோரி அப்டேட் பண்ண முடியவில்லை, வாட்ஸ்ஆப் உள்ளே போகவே முடியவில்லை, வாட்ஸ்ஆப் குரூப் வேலை செய்யவில்லை என்றெல்லாம் புகார் எழுந்துள்ளது. வாட்ஸ்ஆப் தரப்பில் விளக்கம் ஏதும் இதுவரை வெளியாகவில்லை. உங்களுக்கு வாட்ஸ்ஆப் வேலை செய்கிறதா? கமென்ட்டில் சொல்லுங்கள்.
Similar News
News November 5, 2025
VAO நேரடி நியமனத்திற்கு தடை
தமிழகத்தில் 218 VAO பணியிடங்களை மாவட்ட பணியிட மாறுதல் மூலம் நிரப்பாமல், நேரடி நியமனம் மூலம் நிரப்ப TNPSC-க்கு மதுரை ஐகோர்ட் கிளை தடைவிதித்துள்ளது. நேரடி நியமன முறையால், டிரான்ஸ்ஃபருக்காக பல ஆண்டுகளாக காத்திருப்பவர்களின் வாய்ப்பு மறுக்கப்படுவதாக VAO சங்கம் சார்பில் மனுத்தாக்கல் செய்யப்பட்டிருந்தது. இதுதொடர்பாக வருவாய் துறை ஆணையர், TNPSC தலைவர் பதில் மனு தாக்கல் செய்ய உத்தரவிடப்பட்டுள்ளது.
News November 5, 2025
நடிகை கனகாவுக்கு நடந்த துயரம்.. ராமராஜன் உருக்கம்
1990 களில் பல வெற்றிப் படங்களில் நடித்த நடிகை கனகா ஆளே அடையாளம் தெரியாமல் மாறிப்போன போட்டோ இணையத்தில் வெளியானது. அதன் பின்னர், நடிகர் ராமராஜன் அவரை நேரில் சென்று சந்தித்துள்ளார். இது தொடர்பாக பேசிய அவர், கனகா தனது தாயார் நடிகை தேவிகா மரணத்திற்கு பிறகு மன அழுத்தத்திற்கு ஆளானதாகவும், பழைய நினைவுகளை மறந்துவிட்டதாகவும் உருக்கமாக கூறியுள்ளார். மீண்டு வாருங்கள் கனகா என ரசிகர்கள் ஆறுதல் கூறுகின்றனர்.
News November 5, 2025
இந்தியாவுக்கு உதவ முன்வந்த சீனா!
டெல்லியில் காற்று மாசுபாடு நாளுக்கு நாள் மிக மோசமாகி வருகிறது. இன்றைய நிலவரப்படி, காற்று தர குறியீடு (AQI) 293-ஆக உள்ளது. இந்நிலையில், காற்று மாசுபாட்டை குறைப்பதற்கு உதவ தயாராக உள்ளதாக இந்தியாவில் உள்ள சீன தூதரகம் தெரிவித்துள்ளது. இதேபோன்றதொரு சூழலை தாங்களும் சந்தித்ததாகவும், அதில் இருந்து மீண்ட அனுபவங்களை பகிர தயாராக இருப்பதாக கூறி, அது தொடர்பான சில புகைப்படங்களையும் வெளியிட்டுள்ளது.