News April 10, 2025
வீட்டு கடன்கள் மீதான வட்டி 8%க்கும் கீழ் குறைய வாய்ப்பு
ரெப்போ வட்டி தொடர்ந்து குறைக்கப்படுவதன் எதிரொலியாக வீட்டுக் கடன் வட்டி விகிதம் 8% கீழ் குறைய வாய்ப்பு இருப்பதாக தகவல் வெளியாகியுள்ளது. பிப்ரவரி மாதம் முதல் ரெப்போ வட்டியை 2 முறை தலா 25 புள்ளிகள் ரிசர்வ் வங்கி குறைத்தது. இதனால் வங்கிகளும் கடன்களுக்கான வட்டியை குறைத்து வருகின்றன. எனினும், வங்கிகள் இன்னும் 8.15%க்கு மேல் வட்டி வசூலிக்கின்றன. அது வரும் நாள்களில் குறையக்கூடும் எனத் தெரிகிறது.
Similar News
News November 8, 2025
கோவை மாணவி மீது பழிசுமத்த கூடாது: கனிமொழி
பெண்களுக்கு எதிரான குற்றங்களை ஏற்றுக்கொள்ள முடியாது என கனிமொழி தெரிவித்துள்ளார். இந்த விஷயத்தில், அப்பெண் மீது பழிசுமத்துவதை சமூகம் நிறுத்த வேண்டும் என்றும், குற்றவாளிகளுக்கு அதிகபட்ச தண்டனை கிடைக்க நடவடிக்கை எடுக்கப்பட்டிருப்பதாகவும் அவர் கூறியுள்ளார். முன்னதாக, பாதிக்கப்பட்ட மாணவியின் மீது பழிசுமத்தும் விதமாக திமுக கூட்டணியில் உள்ள கொங்கு ஈஸ்வரன் MLA பேசியிருந்தார் என்பது குறிப்பிடத்தக்கது.
News November 8, 2025
ஒரே விக்கெட்.. சாதனை படைக்க போகும் பும்ரா
ஆஸ்திரேலியாவுக்கு எதிரான 5-வது டி20-ல் பும்ரா மகத்தான சாதனை படைக்கவுள்ளார். டி20-ல் இன்னும் ஒரு விக்கெட் எடுத்தால் 3 வடிவிலான கிரிக்கெட்டிலும், 100 விக்கெட்டுகள் எடுத்த முதல் இந்திய வீரர் என்ற பெருமையை அவர் பெறுவார். பும்ரா டெஸ்டில் 226 விக்கெட்டுகளும், ODI-ல் 149 விக்கெட்டுகளும், டி-20-ல் 99 விக்கெட்டுகளும் எடுத்துள்ளார். மேலும், டி20-ல் 100 விக்கெட்டுகள் எடுத்த 2-வது இந்தியராக உருவெடுப்பார்.
News November 8, 2025
’24’ சூர்யாவை காப்பியடித்தாரா ராஜமெளலி?
24 படத்தின் சூர்யா (ஆத்ரேயா) கதாபாத்திரத்தை ராஜமெளலி காப்பியடித்துள்ளதாக SM-ல் குற்றச்சாட்டு எழுந்துள்ளது. ‘Globetrotter’-ல் பிருத்விராஜின் கும்பா என்ற கதாபாத்திர போஸ்டர் வெளியானது. இதை பார்த்ததும் அதே வீல் சேர், முடக்குவாதமான வில்லன் என 24 ஆத்ரேயா கதாபாத்திரம் ரசிகர்களுக்கு நினைவு வந்தது. ஆனால், அது அறிவியலாளர் ஸ்டீபன் ஹாக்கிங்கின் பிரதிபலிப்பு என்று டோலிவுட் வட்டாரம் சப்பை கட்டு கட்டுகிறது.