News April 8, 2025
திமுக அரசு இதை செய்தால் ₹468.50க்கு சிலிண்டர்
சிலிண்டர் விலை உயர்வை ஸ்டாலின் கடுமையாக விமர்சித்தார். இந்நிலையில், திமுக தனது தேர்தல் வாக்குறுதியில் சிலிண்டருக்கு ₹100 மானியம் வழங்கப்படும் என அறிவித்திருந்தது. ஆனால், ஆட்சிக்கு வந்து 4 ஆண்டுகள் கடந்தும் வாக்குறுதியை நிறைவேற்றவில்லை. இப்போதே திமுக அரசு ₹100 மானியம் கொடுத்தால், உஜ்வாலா பயனளிகளுக்கு ₹300 மானியம் உட்பட ஏழைகளுக்கு ₹468.50க்கு சிலிண்டர் கிடைக்கும் என பாஜகவினர் பதிலடி கொடுக்கின்றனர்.
Similar News
News April 19, 2025
சஞ்சு சாம்சனுக்கு ஓய்வா?
ஜெய்ப்பூரில் இன்று RR vs LSG இடையே போட்டி நடைபெறவுள்ளது. இதுவரை 7 போட்டிகளில் விளையாடியுள்ள RR 2 போட்டிகளில் மட்டுமே வெற்றிபெற்றுள்ளது. இதனால், அந்த அணிக்கு இப்போட்டி வாழ்வா? சாவா? போட்டியாகும். கடந்த 16ஆம் தேதி நடந்த DC-க்கு எதிரான போட்டியில் RR கேப்டன் சஞ்சு சாம்சன், காயம் காரணமாக பாதியிலேயே மைதானத்தில் இருந்து வெளியேறினார். இதனால், இன்றைய போட்டியில் அவர் பங்கேற்பது சந்தேகம் என சொல்லப்படுகிறது.
News April 19, 2025
உலக கல்லீரல் தினம்: இன்றே மது, புகையை விடுங்க
வாகனங்களுக்கு எஞ்சின் போல மனிதனுக்கு கல்லீரல். அது நன்றாக இயங்கினால் தான் மனிதன் நோய் நொடி இல்லாமல், மகிழ்ச்சியாக வாழ முடியும். கல்லீரலை பாதுகாக்க போதுமான தூக்கம், உடற்பயிற்சி, மது அருந்தாமல் இருப்பது மற்றும் நச்சுப் பொருட்கள் இல்லாத ஒரு சூழலில் வாழ்வது அவசியம். கல்லீரலை சுத்தப்படுத்த உதவும் பூண்டு, வெங்காயம், இஞ்சி, பீட்ரூட், மஞ்சள், திராட்சை போன்றவற்றை அடிக்கடி சாப்பிடுங்கள்.
News April 19, 2025
கிராம உதவியாளர்களுக்கு குரல் கொடுத்த ஓபிஎஸ்
கிராம உதவியாளர்களுக்கு காலமுறை ஊதியம் வழங்க வேண்டும் என்று ஓபிஎஸ் வலியுறுத்தியுள்ளார். அரசு ஊழியர்களை போல காலமுறை ஊதியம் வழங்கப்படாததால் கிராம உதவியாளர்களின் வாழ்வாதாரம் பாதிக்கப்பட்டுள்ளது. இதை கவனத்தில் எடுத்துக்கொண்டு அவர்களுக்கு கால முறை ஊதியத்தை நிர்ணயம் செய்யவும், பணியின்போது உயிரிழக்கும் கிராம உதவியாளர்களின் வாரிசுகளுக்கு கருணை அடிப்படையில் அரசு வேலை வழங்கவும் வலியுறுத்தியுள்ளார்.