News April 6, 2025
பிரியாணி எப்போது பிரச்னை கொடுக்கும்?
அனைத்து சத்துகளையும், நாவூறும் சுவையையும், இழுக்கும் மணமும் கொண்டது பிரியாணி. அதேநேரம், அளவுக்கு அதிகமாக சாப்பிட்டால் சிலருக்கு ஒத்துக்கொள்ளாமல் போகலாம். டால்டா, எண்ணெய், கொழுப்பு அதிகமுள்ள இறைச்சி ஆகியவை சேர்க்கப்பட்ட பிரியாணியை அளவுக்கு மேல் சாப்பிடக் கூடாது. அதிக உப்பு, செயற்கை சுவை/ நிறமூட்டிகளை தவிர்க்கவும். உணவகங்களில் பழைய இறைச்சி பயன்படுத்தப்படுவதால், வீட்டில் சமைத்து சாப்பிடுவதே நல்லது.
Similar News
News December 17, 2025
ரயிலில் வெயிட்டிங் லிஸ்ட்டா? நிம்மதி தரும் மாற்றம்
வெயிட்டிங் லிஸ்ட் பயணிகள் மாற்று ஏற்பாடுகளை செய்ய, ரயில்வே சில மாற்றங்களை செய்துள்ளது. அதன்படி, காலை 5 – மதியம் 2 மணி வரை புறப்படும் ரயில்களுக்கான Chart, முந்தைய நாள் இரவு 8 மணிக்கு தயார் செய்யப்படும். மதியம் 2:01 மணி முதல் மறுநாள் அதிகாலை 5 மணி வரையிலான ரயில்களுக்கு, 10 மணி நேரத்திற்கு முன்பு தயாரிக்கப்படும். முன்னதாக, ரயில் புறப்படுவதற்கு 4 மணி நேரத்திற்கு முன்பே இது தயாரிக்கப்பட்டது.
News December 17, 2025
டெல்லி காற்று மாசுபாட்டை கட்டுப்படுத்த SC உத்தரவு
டெல்லியில் பெருகிவரும் காற்று மாசுபாட்டைக் கட்டுப்படுத்தும் நோக்கில், SC பழைய வாகனங்கள் தொடர்பாக புதிய உத்தரவை பிறப்பித்துள்ளது. அதாவது, “நகர நுழைவாயில்களில் ஏற்படும் போக்குவரத்து நெரிசலைக் குறைக்க சுங்கச்சாவடிகளை தற்காலிகமாக நீக்க வேண்டும். BS‑IV & அதற்கும் மேற்பட்ட வாகனங்கள் மட்டுமே இயக்க வேண்டும். மாசுபாட்டைக் கட்டுப்படுத்த நீண்டகால திட்டம் வகுக்க வேண்டும்” என்று தெரிவித்துள்ளது.
News December 17, 2025
சற்றுமுன்: நாடு முழுவதும் பறந்தது உத்தரவு
நாடு முழுவதும் பால் & பால் பொருள்களில் கலப்படம் நடப்பதை தடுக்க சிறப்பு அமலாக்க பணியை தொடங்க, அனைத்து மாநில அரசுகளுக்கும் FSSAI உத்தரவிட்டுள்ளது. பனீர், கோவா ஆகியவற்றில் நடக்கும் கலப்படம் & தவறான பிராண்டிங் குறித்து ஆய்வு செய்யவும் அறிவுறுத்தப்பட்டுள்ளது. உடல் நலத்திற்கு கேடு விளைவிக்கும் வகையில் பால் பொருள்கள் தயாரிக்கப்படுவதாக புகார்கள் வந்த நிலையில், இந்த உத்தரவு பிறப்பிக்கப்பட்டுள்ளது.