News April 4, 2025
‘அதிமுக பொதுச் செயலாளர் செங்கோட்டையன்’ போஸ்டர்
மதுரையில் இபிஎஸ்-க்கு எதிராகவும், செங்கோட்டையனுக்கு ஆதரவாகவும் ஒட்டப்பட்ட போஸ்டர்களால் தமிழக அரசியலில் புதிய புயல் கிளம்பியுள்ளது. இபிஎஸ் புகைப்படத்தை புறக்கணித்துவிட்டு, செங்கோட்டையன், எஸ்.பி.வேலுமணி, தங்கமணி மற்றும் ராஜன் செல்லப்பா ஆகியோர் புகைப்படங்கள் இடம்பெற்றுள்ளன. இதில் ஹைலைட் என்னவென்றால் ‘அதிமுக பொதுச் செயலாளர் செங்கோட்டையன்’ என குறிப்பிடப்பட்டுள்ளது தான். இதுகுறித்து உங்கள் கருத்து?
Similar News
News March 27, 2026
ராகு காலம் சென்டிமென்ட் பார்த்த ஜி.கே.வாசன்
தமாகா வேட்பாளர்களை சரியாக நண்பகல் 12.12 மணிக்கு தான் அறிவிப்பேன் என ஜி.கே.வாசன் தெரிவித்துள்ளார். அப்போது ஏன் இந்த டைம்-ஐ தேர்வு செய்தீர்கள் என செய்தியாளர்கள் எழுப்பிய கேள்விக்கு, உங்களுக்கு ஒரு சென்டிமென்ட் என்றால் எனக்கு ஒரு சென்டிமென்ட் இருப்பதாக பதில் அளித்தார். உண்மையில் காலை 10.30 – நண்பகல் 12 மணி வரை ராகு காலம் என்பதால், அவர் வேட்பாளர்களை அறிவிக்கவில்லை என பேசப்படுகிறது. <<-se>>#TNElection2026<<>>
News March 27, 2026
வெள்ளி விலை ஒரே நாளில் கிலோவுக்கு ₹15,000 குறைந்தது
தங்கம் விலை சவரனுக்கு ₹640 உயர்ந்து அதிர்ச்சி கொடுத்த நிலையில், வெள்ளி விலை குறைந்து மக்களுக்கு சற்று நிம்மதியை அளித்துள்ளது. 1 கிராம் வெள்ளி ₹15 குறைந்து ₹245-க்கும், 1 கிலோ வெள்ளி ₹15,000 குறைந்து ₹2.45 லட்சத்துக்கும் விற்பனை செய்யப்படுகிறது. ஒரே நாளில் வெள்ளி விலை கிலோவுக்கு ₹15,000 குறைந்ததால் வெள்ளி நகைப் பிரியர்கள் மகிழ்ச்சியில் உள்ளனர்.
News March 27, 2026
சரியான நேரத்திற்கு விஜய் வர வேண்டும்: தேர்தல் அதிகாரிகள்
பெரம்பூரில் நாளை விஜய் தேர்தல் பிரசாரம் செய்யவிருக்கும் நிலையில், தவெகவினருடன் தேர்தல் அதிகாரிகள் ஆலோசனை மேற்கொண்டனர். அதில், விஜய் சரியான நேரத்திற்கு வந்து பரப்புரையை தொடங்க வேண்டும் என்று அதிகாரிகள் அறிவுறுத்தியுள்ளனர். கரூர் துயர சம்பவத்திற்கு விஜய் தாமதமாக வந்ததும் ஒரு காரணம் என குற்றச்சாட்டு எழுந்த நிலையில், இதுபோன்ற அறிவுறுத்தல்கள் வழங்கப்பட்டுள்ளன.