News April 4, 2025
இப்போதுதான் ரூ.50 கோடி.. விக்ரம் மார்க்கெட் என்னாச்சு?
விக்ரமின் வீர தீர சூரன் படம், 7 நாட்களில் ரூ.52 கோடி வசூல் செய்துள்ளதாக தகவல் வெளியாகியுள்ளது. கோர்ட் தடை காரணமாக முதல் நாள் (மார்ச் 27) மாலையில்தான் படம் வெளியானது. நல்ல விமர்சனத்தை பெற்ற போதும், ஒரு பெரிய நடிகரின் படத்துக்கான வசூல் இது இல்லையோ என்ற கேள்வி எழுகிறது. பிரதீப் ரங்கநாதனின் படமே 3 நாட்களில் ரூ.50 கோடி வசூலிக்கும்போது, விக்ரமிற்கு இது கம்மி என நெட்டிசன்கள் தெரிவிக்கின்றனர்.
Similar News
News April 11, 2025
அதிமுக டூ பாஜக.. யார் இந்த நயினார் நாகேந்திரன்?
தென் தமிழகத்தின் அரசியல் முகங்களில் முக்கியமானவர் இந்த நயினார் நாகேந்திரன். குறிப்பாக நெல்லை மண்ணின் மைந்தர் என்ற அடைமொழியை பெற்றவர். அதனாலயே 5 முறை நெல்லை தொகுதியில் களம் கண்டு 3 முறை வெற்றியையும் பெற்றார். அதிமுகவில் ஜெயலலிதாவின் அமைச்சரவையில் மின்சாரம், போக்குவரத்து என முக்கியத் துறைகளின் அமைச்சராக (2002 – 2006) இருந்தவர். 2017-ல் பாஜகவுக்கு தாவி தற்போது தலைமை பொறுப்பை நெருங்கியுள்ளார்.
News April 11, 2025
தமிழ் வளர்ச்சிக்காக திமுக என்ன செய்தது: அமித் ஷா
தமிழ் வளர்ச்சிக்காக திமுக என்ன செய்தது? என்று அமித் ஷா கேள்வியெழுப்பியுள்ளார். தமிழ், தமிழ் என்று திமுக பேசுகிறது என்றும், ஆனால் அதன் வளர்ச்சிக்காக இதுவரை அக்கட்சி எதுவும் செய்யவில்லை என்றும் அவர் சாடினார். மருத்துவ படிப்புகளை தமிழில் கொண்டு வர வேண்டுமென முதல்வர் ஸ்டாலினிடம் பலமுறை தாம் வலியுறுத்தியதாகவும், ஆனால் ஸ்டாலின் அதற்காக எதுவும் செய்யவில்லை என்றும் அவர் விமர்சித்தார்.
News April 11, 2025
நாள் முழுவதும் நிர்வாணமாக நடமாடிய பாப் பாடகி
அவ்வப்போது ஏதாவது ஒரு அதிரடியில் ஈடுபட்டு வைரலாவது, பிரபல பாப் பாடகி பிரிட்னி ஸ்பியர்ஸின் வழக்கம். இம்முறை அவர் செய்துள்ளது சோஷியல் மீடியாவில் புயலைக் கிளப்பியுள்ளது. ஒருநாள் முழுவதும் கடற்கரை ஒன்றில் நிர்வாணமாக இருந்ததாகவும், வெயிலின் கடுமையால் தன் சருமம் பாதிக்கப்பட்டதாகவும் இன்ஸ்டாவில் பதிவிட்டுள்ளார் பிரிட்னி. தன்னைத் தானே திருமணம் செய்துகொண்டதாக கடந்த ஆண்டு பரபரப்பை ஏற்படுத்தியவர் பிரிட்னி.