News April 3, 2025
இறக்கும் முன் வீட்டை நடிகருக்கு எழுதி வைத்த ஹுசைனி
வில்வித்தை பயிற்சியாளரும், நடிகருமான ஷிஹான் ஹுசைனி புற்றுநோயால் பாதிக்கப்பட்ட நிலையில் கடந்த வாரம் உயிரிழந்தார். ஹுசைனி உயிரிழக்கும் முன்பு, தனது வீட்டை அவரிடம் தற்காப்புக் கலை பயின்ற ஆந்திர துணை முதல்வரும், தெலுங்கு நடிகருமான பவன் கல்யாணுக்கு எழுதி வைத்திருப்பதாகத் தகவல் வெளியாகியுள்ளது. அந்த வீட்டை தனது நினைவிடமாக மாற்ற ஹுசைனி கோரிக்கை விடுத்ததாகவும் சொல்லப்படுகிறது.
Similar News
News September 22, 2025
மீண்டும் இணைந்த டிரம்ப்- எலான் மஸ்க்
அமெரிக்க வரி மசோதா விவகாரத்தில் டிரம்ப் – எலான் மஸ்க் இடையே மோதல்போக்கு ஏற்பட்டது. டிரம்ப்பை எதிர்த்து புதிய கட்சி தொடங்குவதாக எலான் மஸ்க் அறிவித்திருந்தார். 3 மாதம் நீடித்த மோதல் முடிவுக்கு வந்துள்ளது. கொல்லப்பட்ட வலதுசாரி ஆதரவாளரான சார்லி கிர்க் நினைவேந்தல் நிகழ்ச்சியில் கைகுலுக்கியபடி இருவரும் ஒன்றாக அமர்ந்து பேசினர். இந்த போட்டோவை X தளத்தில் பகிர்ந்த மஸ்க், FOR CHARLIE என பதிவிட்டுள்ளார்.
News September 22, 2025
விஜய்க்கு தகுதியே இல்லை: KN நேரு
இபிஎஸ், விஜய்யை KN நேரு கடுமையாக விமர்சித்துள்ளார். 2026 தேர்தலில் திமுக – தவெக இடையேதான் போட்டி என விஜய் கூறிய நிலையில், திமுகவுடன் நேரடியாக மோத உனக்கு(விஜய்) தகுதியே இல்லை தம்பி என அவர் சாடியுள்ளார். மேலும், 4 ஆண்டுகள் வீட்டுக்குள்ளேயே இருந்துவிட்டு, தற்போது இபிஎஸ் வெளியே வந்திருப்பதாக குறிப்பிட்ட நேரு, பாஜகவுடனான கூட்டணியை அதிமுக தொண்டர்கள் ஏற்கவில்லை என்றார்.
News September 22, 2025
இனி ₹14 மட்டுமே.. இன்று முதல் விலை குறைந்தது
அனைத்து ரயில் நிலையங்களிலும் விற்கப்படும் ரயில் நீர் பாட்டில்கள் விலை லிட்டருக்கு ₹1 குறைந்து இன்று முதல் விற்பனை செய்யப்படுகிறது. GST வரி குறைப்பின் பலனை ரயில் பயணிகள் பெறும் வகையில் பேக்கேஜ் செய்யப்பட்ட ரயில் நீர், ஒரு லிட்டர் ₹15-லிருந்து ₹14-ஆகவும், அரை லிட்டர் ₹10-லிருந்து ₹9-ஆகவும் குறைக்கப்பட்டுள்ளது. மேலும், விலை குறைப்பு விவரங்களை பயணிகளுக்கு தெரிவிக்குமாறும் அறிவுறுத்தப்பட்டுள்ளது.