News April 2, 2025
ஜப்பானில் சக்திவாய்ந்த நிலநடுக்கம்
சற்றுமுன் ஜப்பானில் சக்திவாய்ந்த நிலநடுக்கம் ஏற்பட்டதால் பதற்றம் நிலவுகிறது. க்யூஷு தீவில் 6.2 ரிக்டர் அளவுகோலில் நிலநடுக்கம் ஏற்பட்டது. இதனால் ஏற்பட்ட சேத விவரங்கள் ஏதும் வெளியாகவில்லை. நான்கு தினங்களுக்கு முன் மியான்மரில் ஏற்பட்ட நிலநடுக்கத்தால் 3000 பேர் உயிரிழந்தனர். அந்த சோகத்தில் இருந்து உலகம் இன்னும் மீள்வதற்கு முன் மீண்டும் நிலநடுக்கம் ஏற்பட்டுள்ளது.
Similar News
News March 25, 2026
தமிழக அணிக்கே வெற்றி: உதயநிதி
டெல்லி அணிக்கும் தமிழகத்துக்குமான தேர்தலில் தமிழக அணியே வெற்றி பெறும் என்று உதயநிதி பேசியுள்ளார். தொகுதி பங்கீட்டை தொடர்ந்து தேர்தல் பிரச்சாரங்கள் சூடுபிடிக்க தொடங்கியுள்ளன. இளைஞரணி நிர்வாகிகளை சந்தித்து வந்து உதயநிதி அதிமுகவையும் பாஜகவையும் கடுமையாக சாடி வருகிறார். திண்டுக்கல் கூட்டத்தில், 10 தோல்வி அடைந்த பழனிசாமி தேர்தலுக்கு பின் படுதோல்வி பழனிசாமி ஆகிவிடுவார் என்று சாடினார்.
News March 25, 2026
போர் பதற்றம்.. எதிர்க்கட்சிகளுடன் ஆலோசனை
மேற்காசிய போர் பதற்றம் மற்றும் அதன் தாக்கம் குறித்து விவாதிக்க இன்று அனைத்து கட்சி கூட்டம் நடைபெற உள்ளது. நாட்டில் நிலவும் எரிவாயு, கச்சா எண்ணெய் தட்டுப்பாடு குறித்து விவாதிக்க அனைத்து கட்சி கூட்ட எதிர்க்கட்சிகள் வலியுறுத்தி வந்தனர். இந்நிலையில் மத்திய அரசு அழைப்பு விடுத்துள்ளது. இதில், அரசு எடுத்துள்ள நடவடிக்கைள், கச்சா எண்ணெய் கையிருப்பு உள்ளிட்டவை குறித்து விவாதிக்கப்பட உள்ளது.
News March 25, 2026
234 தொகுதியிலும் மார்ச் 30 வேட்பு மனு தாக்கல்!
2026 சட்டப்பேரவைத் தேர்தலில், நாதக சார்பில் 234 தொகுதியிலும் போட்டியிடும் வேட்பாளர்கள் வரும் மார்ச் 30-ம் தேதி வேட்புமனு தாக்கல் செய்வார்கள் என்று அறிவிப்பு வெளியாகியுள்ளது. முன்னதாக, பிப்ரவரி மாதம் திருச்சி மாநாட்டில், 117 ஆண்கள், 117 பெண்கள் என மொத்தம் 234 வேட்பாளர்களையும் ஒரே மேடையில் சீமான் அறிமுகப்படுத்தினார். அதைத்தொடர்ந்து தற்போது வேட்புமனு தாக்கலும் ஒரே நாளில் நடைபெற உள்ளது.