News April 2, 2025
துப்புறவு பணியாளர்களுக்கு ₹33.88 கோடி வரி
மாதம் ₹15,000 வருமானம் ஈட்டும் உ.பியைச் சேர்ந்த துப்புறவு பணியாளர் கரண் குமாரை, ₹33.88 கோடி வரி செலுத்த சொல்லி IT நோட்டீஸ் அனுப்பியுள்ளது. கடந்த 10 நாள்களில் நடக்கும் 3ஆவது சம்பவம் இதுவாகும். முன்னதாக, ஒரு ஜூஸ் விற்பனையாளருக்கு ₹7.54 கோடி, பூட்டு தொழிலாளிக்கு ₹11.11 கோடி வரி கட்டச் சொல்லி நோட்டீஸ் அனுப்பப்பட்டது. PAN தரவுகள் மோசடியாக பயன்படுத்தப்படுவதாக புகார்கள் எழுந்துள்ளது.
Similar News
News April 6, 2025
பிரதமர் திறந்துவைத்த தூக்கு பாலத்தில் பழுது
பாம்பனில் பிரதமர் மோடி இன்று திறந்துவைத்த நாட்டின் முதல் செங்குத்து தூக்கு பாலத்தில் பழுது ஏற்பட்டுள்ளது. தூக்கு பாலம் ஒருபுறம் ஏற்றமாகவும், மறுபுறம் இறக்கமாகவும் இருப்பதால், அதனை கீழே இறக்க முடியாத நிலை ஏற்பட்டுள்ளது. பழுதை சரிசெய்யும் பணியில் அதிகாரிகள் ஈடுபட்டு வருகின்றனர். பாம்பனில் பழைய தூக்கு பாலத்திற்கு மாற்றாக ரூ.545 கோடியில் புதிய பாலம் கட்டி திறக்கப்பட்டுள்ளது.
News April 6, 2025
மோடி பங்கேற்கும் விழாவில் CM பங்கேற்கவில்லை..
நீலகிரி விழாவில் பங்கேற்பதால், ராமேஸ்வரத்தில் மோடி பங்கேற்கும் விழாவில் என்னால் பங்கேற்க முடியவில்லை என்று முதல்வர் ஸ்டாலின் விளக்கமளித்துள்ளார். மோடியை சந்திக்க நேரம் கேட்டுள்ளேன். இந்த சந்திப்பு நடந்தால், தொகுதி மறுசீரமைப்பால் தென் மாநிலங்களின் பிரதிநிதித்துவம் குறையாது என்பதை உறுதி செய்ய, சட்டத் திருத்தத்தை நாடாளுமன்றத்தில் நிறைவேற்ற மோடியிடம் வலியுறுத்தப்படும் எனத் தெரிவித்தார்.
News April 6, 2025
பட்டு வேட்டியில் பிரதமர் மோடி!
தமிழகத்திற்கு வந்த பிரதமர் மோடி, நமது மண்ணின் கலாசாரத்தின்படி பட்டு வேட்டி அணிந்து ராமநாதசுவாமியை தரிசிக்க சென்றார். முன்னதாக மண்டபம் பகுதியில் இருந்து பாம்பன் பாலத்தை திறந்து வைத்த அவர், அதன் பின் ராமநாதசுவாமியை தரிசிக்க ராமேஸ்வரம் சென்றார். கடந்த ஆண்டு அயோத்தி ராமர் சிலை பிரதிஷ்டைக்காக ராமேஸ்வரம் வந்தபோதும் அவர் பட்டு வேட்டி அணிந்து சென்று தரிசனம் செய்தார் என்பது குறிப்பிடத்தக்கது.