News March 26, 2025
எடப்பாடி பழனிசாமிக்கு நெருக்கடியா?
அதிமுக – பாஜக கூட்டணி உறுதியாகியுள்ளதாக கூறப்படும் நிலையில், இபிஎஸ் ஏதோ நெருக்கடிக்கு ஆளாகியுள்ளதாக CPI மாநிலச் செயலாளர் முத்தரசன் தெரிவித்துள்ளார். பாஜக உடன் அரசியல் உறவே கிடையாது எனக் கூறிய இபிஎஸ், என்ன நிர்பந்தத்தில் அமித்ஷாவை சந்தித்துப் பேசினார் என தெரியவில்லை என்றும் அவர் குறிப்பிட்டுள்ளார். ‘நிச்சயதார்த்தம் நடந்திருக்கிறது, கல்யாண தேதி இன்னும் தெரியவில்லை’ எனவும் முத்தரசன் விமர்சித்தார்.
Similar News
News April 1, 2025
IPL: KKR-ன் மோசமான சாதனை
IPL-ல் கொல்கத்தா அணி மோசமான சாதனையைப் படைத்துள்ளது. மும்பை அணியுடனான நேற்றைய போட்டியில் தோற்றதன் மூலம், ஒரே அணியுடன், ஒரே மைதானத்தில் பல முறை தோற்ற அணியாக KKR மாறியுள்ளது. வான்கடே மைதானத்தில் மும்பை அணியிடம் இதுவரை 10 முறை தோற்றுள்ளது. மொத்தமாக மும்பையிடம் KKR இதுவரை 24 முறை தோற்றுள்ளது. முன்னதாக இந்த சாதனையை பஞ்சாப் படைத்திருந்தது. கொல்கத்தாவில் KKR-யிடம் பஞ்சாப் அணி 9 முறை தோற்று இருந்தது.
News April 1, 2025
சிதம்பரம் தொகுதி Ex எம்.பி அ.முருகேசன் காலமானார்
சிதம்பரம் தொகுதி முன்னாள் எம்.பி முருகேசன் (87) உடல்நலக்குறைவால் சென்னையில் காலமானார். 1977ஆம் ஆண்டு தேர்தலில் அதிமுக சார்பில் போட்டியிட்டு வெற்றி பெற்ற இவர் 1980 வரை பதவியிலிருந்தார். திமுகவிலிருந்து எம்ஜிஆர் பிரிந்த பிறகு அவருடன் அதிமுகவுக்கு சென்ற இவர், கடந்த 2 ஆண்டுகளுக்கு முன்பு மீண்டும் தாய்க் கழகமான திமுகவில் இணைந்தார். கடந்த 2024 தேர்தலில் திருமாவளவன் வெற்றிக்காகப் பெரிதும் பாடுபட்டார்.
News April 1, 2025
மீண்டும் இணையும் ‘சிறுத்தை’ காம்போ
நடிகர் கார்த்தி அடுத்து சிறுத்தை சிவா இயக்கும் படத்தில் நடிக்க உள்ளதாகத் தகவல் வெளியாகியுள்ளது. இப்படத்தை 2டி எண்டர்டெயின்மெண்ட் சார்பில் சூர்யா தயாரிக்க உள்ளதாகவும் கூறப்படுகிறது. எமோஷனல் கலந்த கதைக்களத்தில் இப்படம் உருவாகும் என எதிர்பார்க்கப்படுகிறது. இருப்பினும், ‘கைதி 2’ உள்ளிட்ட தனது அடுத்தடுத்த கமிட்மென்ட்களை முடித்துவிட்டே கார்த்தி இப்படத்தில் இணைய உள்ளாராம்.