News March 25, 2025
நாளை OTTயில் வெளியாகிறது ‘முஃபாசா’
‘தி லயன் கிங்’ திரைப்படத்தின் முன்கதையான (Prequel) ‘முஃபாசா’ நாளை OTTயில் வெளியாகவுள்ளது. Jio Hostarல் தமிழ், ஆங்கிலம், இந்தி மற்றும் தெலுங்கு ஆகிய மொழிகளில் ஸ்ட்ரீம் ஆக உள்ளது. கடந்த ஆண்டு டிசம்பா் மாதம் 20ஆம் தேதி திரையரங்குகளில் வெளியான இப்படம், ரசிகர்கள் மத்தியில் பெரும் வரவேற்பை பெற்றது. இந்திய அளவில் வசூல் சாதனை படைத்த இப்படம், OTTயில் எப்போது வெளியாகும் என ரசிகர்கள் காத்திருந்தனர்.
Similar News
News September 16, 2025
BREAKING: கூட்டணி முடிவை வெளியிட்டார் டிடிவி
டெல்லி பாஜக தலைமை எல்லாத்தையும் சரி செய்துவிடும் என்று யாரும் பகல் கனவு காண வேண்டாம்; கூட்டணிக்கு அழைத்தாலும் இனி போக மாட்டேன் என்று TTV அறிவித்துள்ளார். விஜய் மற்றும் தனியாக போட்டியிட்டு வந்த சீமானும் இந்தமுறை கூட்டணி அமைக்கும் முயற்சியில் இருப்பது எனக்கு தெரியும் என சூசகமாகவும் தெரிவித்துள்ளார். இதனால், 2026-ல் விஜய் அல்லது சீமானுடன் கூட்டணி அமைத்து TTV போட்டியிடலாம் என சொல்லப்படுகிறது.
News September 16, 2025
‘தண்டகாரண்யம்’ படத்திற்கு திருமாவளவன் பாராட்டு
‘தண்டகாரண்யம்’ படத்தை முற்போக்கு சிந்தனை உள்ள அனைவரும் வரவேற்க வேண்டும் என திருமாவளவன் தெரிவித்துள்ளார். மக்கள் நக்சல்வாதிகள் பக்கம் தான் நிற்பார்கள், நக்சல்கள் மக்கள் பக்கம் நிற்கிறார்கள், அதிகார வர்க்கம் பக்கம் ஒருபோதும் நிற்கமாட்டார்கள் என்பதை இப்படம் உணர்த்துவதாக கூறியுள்ளார். மேலும் நக்சல்வாதிகளை மக்களுக்கான போராளிகள் என்றும் பாதுகாவலர்கள் எனவும் திருமாவளவன் குறிப்பிட்டார்.
News September 16, 2025
அதிமுக தோற்றால் நான் பொறுப்பல்ல: TTV
2026 தேர்தலில் அதிமுகவின் வாக்கு 10% குறையும் என TTV தெரிவித்துள்ளார். MLA-க்களை பிரித்து சென்று ஆட்சியை கவிழ்க்க பார்த்தார்கள் என EPS நேற்று பேசினார். இதை மறுத்துள்ள TTV, 18 MLA-க்களும் EPS-ஐ மாற்ற வேண்டும் என்று மட்டுமே கவர்னரிடம் கோரிக்கை வைத்ததாகவும், ஆனால் அவர் ஆட்சியை தக்க வைக்க வாக்களித்தவர்களையே நீக்கியதாக கூறியுள்ளார். தேர்தலில் அதிமுக தோற்றால் அதற்கு தான் பொறுப்பல்ல என்று TTV கூறினார்.