News March 24, 2025
பிரபல நடிகை Filiz Akın காலமானார்
துருக்கியை சேர்ந்த பழம்பெரும் நடிகை ஃபிலிஸ் அகின் (Filiz Akın ) 82 வயதில் உடல்நலக்குறைவால் காலமானார். 70களில் இளைஞர்களின் கனவு கன்னியாக இருந்த அவரின் கண் அழகிற்கு மயங்காதவர்கள் யாரும் இருக்க முடியாது. இங்கு சில்க் ஸ்மிதாவை போல், அங்கு அவர் மிகவும் பிரபலம். நடிகர்கள் முதல் இயக்குநர்கள் வரை அவரின் கால் ஷீட்டுக்காக தவம் கிடந்துள்ளனர். ஆங்கிலம் உட்பட 200க்கும் மேற்பட்ட திரைப்படங்களில் நடித்துள்ளார்.
Similar News
News March 30, 2025
இந்தியாவின் பணக்கார ஊர்: பேங்கில் மட்டும் ₹7,000 கோடி!
இந்தியாவின் ஒரு கிராம மக்கள் மட்டும் சுமார் ₹7,000 கோடியை வங்கியில் வைத்திருக்கிறார்கள். 32,000 பேர் வசிக்கும் குஜராத்தின் மாதப்பர் தான் ஆசியாவின் பணக்கார கிராமம். வெளிநாட்டில் செட்டிலான இக்கிராமத்தை சேர்ந்த 1,200 குடும்பத்தினர் அனுப்பும் பணம்தான் இங்கு வந்து குவிகிறது. ஊர் மக்கள் சேர்ந்து தங்கள் கிராமத்தின் உள்கட்டமைப்பை மேம்படுத்தி, பெரிய நகரங்களுடன் போட்டியிடம் அளவிற்கு மாற்றியிருக்கின்றனர்.
News March 30, 2025
கோடை விடுமுறையில் இதை செய்யுங்க: பிரதமர்
கோடை விடுமுறையின் போது புதிய பொழுதுபோக்குகளில் ஈடுபட்டு, திறமைகளை மேம்படுத்த மாணவர்களுக்கு பிரதமர் மோடி அறிவுறுத்தியுள்ளார். மனதின் குரல் நிகழ்ச்சியில் பேசிய மோடி, தான் சிறு வயதில் கோடை விடுமுறையை புதியதாக எதாவது ஒன்றை கற்றுக்கொள்ள பயன்படுத்தியதாகவும் நினைவுகூர்ந்தார். கோடை விடுமுறைக்காக மத்திய அரசு உருவாக்கியுள்ள ‘My Bharat’ காலண்டரை பயன்படுத்தவும் அறிவுறுத்தினார்.
News March 30, 2025
21ம் நூற்றாண்டில் பூகம்பத்தால் இதுவரை 6 லட்சம் பேர் மரணம்!
டிச. 26, 2004ல் இந்தோனேசியாவை தாக்கிய பூகம்பத்தால் 2.30 லட்சம் பேரும், ஜன. 12, 2010ல் ஹைட்டியைத் தாக்கிய பூகம்பத்தால் 3 லட்சம் பேரும் இறந்தனர். அதே போல, மே 12, 2008ல் சீனா மற்றும் அக்.8, 2005ல் காஷ்மீரில் தாக்கிய பூகம்பத்தால் தலா 87 ஆயிரம் பேரும் இறந்தனர். பிப். 6, 2023ல், துருக்கி மற்றும் சிரியாவில் 62 ஆயிரம் பேர் இறந்தனர். ஜன. 26ல் 2001குஜராத்தில் 20 ஆயிரம் பேரும் இறந்துள்ளனர்.