News April 1, 2024
ராகுல் காந்தி மீது பாஜக தேர்தல் ஆணையத்தில் புகார்
பிரதமர் மோடி ‘மேட்ச் பிக்சிங்’ செய்வதாகக் கூறிய ராகுல் காந்தி மீது பாஜக தேர்தல் ஆணையத்தில் புகார் அளித்துள்ளது. டெல்லியில் நடைபெற்ற மாநாட்டில் பேசிய ராகுல், தேர்தல் ஆணையத்தில் பாஜக தனது ஆட்களை நியமித்து ‘மேட்ச் பிக்சிங்’ செய்கிறது. இல்லையென்றால் எப்படி 400 இடங்களில் வெற்றிபெற முடியும் என விமர்சித்தார். இது தொடர்பாக பாஜக புகார் அளித்துள்ள நிலையில், ராகுல் மீது நடவடிக்கை பாயும் என கூறப்படுகிறது.
Similar News
News August 12, 2025
ரொனால்டோவுக்கு டும் டும் டும்..
தனது 8 ஆண்டு காதலியான ஜார்ஜினாவை நட்சத்திர கால்பந்து வீரர் கிறிஸ்டியானோ ரொனால்டோ விரைவில் திருமணம் செய்ய உள்ளார். நிச்சயதார்த்த மோதிரத்துடன் ஜார்ஜினா போட்டோ ஒன்றை சோஷியல் மீடியாவில் பகிர்ந்துள்ளார். இவர்களுக்கு ஏற்கனவே 5 குழந்தைகள் உள்ளனர். விளையாட்டு வீரர்களில் அதிக வருமானம் ஈட்டும் ரொனால்டோ விரைவில் பிரமாண்டமாக திருமணத்தை செய்ய உள்ளதாக கூறப்படுகிறது.
News August 12, 2025
நேரில் பார்க்காத ஸ்டாலின், EPS! இரங்கல் தெரிவிக்காத விஜய்!
2026-ல் CM வேட்பாளர்களாக களமிறங்கும் ஸ்டாலின், EPS, விஜய் ஆகியோர் ஆணவப்படுகொலை செய்யப்பட்ட கவின் குடும்பத்தினரை நேரில் சந்திக்காதது சர்ச்சையாக வெடித்துள்ளது. தூத்துக்குடிக்கு சென்ற ஸ்டாலின், EPS இருவரும் கவின் குடும்பத்தை நேரில் சந்திக்கவில்லை. அதேபோல், விஜய் இரங்கல் கூட தெரிவிக்கவில்லை. இந்த விவகாரத்தில் விஜய், EPS பெயரை குறிப்பிட்டு சாடிய திருமா, ஸ்டாலின் பெயரை தவிர்த்தது பேசுபொருளாகியுள்ளது.
News August 12, 2025
கஞ்சாவை மத்திய அரசே தடுக்க வேண்டும்: அமைச்சர் ரகுபதி
தமிழகத்தில் கஞ்சாவும் உற்பத்தியாகவில்லை, சாராயமும் காய்ச்சுவதில்லை என அமைச்சர் ரகுபதி தெரிவித்துள்ளார். மேலும், வெளி மாநிலங்களில் இருந்து வரும் அவற்றை மத்திய அரசுதான் தடுக்க வேண்டும் எனவும் தெரிவித்துள்ளார். மத்திய அரசை சாடினால் வருமானவரித் துறை, அமலாக்கத் துறை சோதனை வந்துவிடுமோ என்ற பயத்தில் தமிழக அரசு மீது ராமதாஸ் குறைகூறி வருவதாகவும் அவர் குற்றம்சாட்டியுள்ளார்.