News March 21, 2025
மீண்டும் அஜித் VS விஜய்… தியேட்டர்கள் தெறிக்கப் போகுது!
சினிமாவில் போட்டியாளர்களாக இருக்கும் அஜித், விஜய் படங்கள் ஒரே நாளில் வெளியானால் திரையரங்குகளில் கொண்டாட்டம் களைகட்டும். 2023-ல் துணிவு, வாரிசு ஆகிய படங்கள் வெளியாகின. இந்நிலையில், ஏப். 10-ல் குட் பேட் அக்லி படம் வெளியாகும் நிலையில், விஜய்யின் சச்சின் திரைப்படம் ஏப். 18-ல் ரீரிலீஸ் செய்யப்படும் என அறிவிக்கப்பட்டுள்ளது. ஒரு வார இடைவெளியில் 2 பேரின் படங்களும் வெளியாவது ரசிகர்களுக்கு ஹேப்பி தான்!
Similar News
News March 31, 2025
செங்கோட்டையன் மீண்டும் டெல்லி பயணம்?
செங்கோட்டையன் இன்று இரவு டெல்லி செல்ல உள்ளதாக தகவல் வெளியாகியுள்ளது. அதிமுகவிலிருந்து நீக்கப்பட்ட ஓபிஎஸ், சசிகலா ஆகியோரை மீண்டும் இணைக்க இபிஎஸ் மறுப்பு தெரிவித்து வருகிறார். இதனால், செங்கோட்டையனை வைத்து அவர்களைக் கட்சியில் இணைக்க BJP முயல்வதாக கூறப்படுகிறது. கடந்த சில நாள்களுக்கு முன்பு ரகசியமாக டெல்லி சென்று திரும்பிய அவர், இன்று மீண்டும் டெல்லி சென்று அமித்ஷாவை சந்திக்க உள்ளதாகக் கூறப்படுகிறது.
News March 31, 2025
பெண்களே கவனம்.. இந்த ஜூஸ் புற்றுநோயை உண்டாக்கலாம்!
வாஷிங்டன் யூனிவர்சிட்டி ஆய்வின்படி, சர்க்கரை நிறைந்த ஜூஸ்களை அதிகமாக அருந்தும் பெண்களுக்கு, வாய்வழி புற்றுநோயின் அபாயம் அதிகம் என கண்டறியப்பட்டுள்ளது. 30 ஆண்டுகளில் 1,62,602 பெண்களின் உணவுப் பழக்கங்களை ஆய்வு செய்ததில், இத்தகவல் தெரியவந்துள்ளது. இதில், கவலைக்குரிய விஷயம், புகை – மது பழக்கம் இல்லாதவரும் அதிகமாக சர்க்கரை ஜூஸுகளை அருந்துவதால் பாதிக்கப்படுகின்றனர். அளவுக்கு மிஞ்சினால் அமுதமும் நஞ்சு!
News March 31, 2025
₹500-க்காக இளைஞர் குத்திக்கொலை!
பணம் மனிதனை மிருகமாக்கும் என்ற சம்பவம் டெல்லியில் அரங்கேறியுள்ளது. நியூ உஸ்மான்பூரில் உள்ள பூங்காவில் அமர்ந்திருந்த தில்ஷித் என்ற நபரிடம் 2 சிறுவர்கள் உட்பட மூவர் பணம் பறிக்க முயன்றனர். தன்னிடம் இருந்த ₹500 தரமறுத்து அவர்களுடன் தில்ஷித் மல்லுக்கட்ட, திடீரென கத்தியை எடுத்து அவரை குத்திவிட்டு அங்கிருந்து தப்பிச்சென்றனர். தப்பியோடிய மூவரையும் காவல்துறையினர் கைது செய்தனர்.