News March 19, 2025
ரஷ்ய அதிபரால் காக்க வைக்கப்பட்டாரா ட்ரம்ப்?
நேற்று ரஷ்ய அதிபர் புதினிடம் ட்ரம்ப் தொலைபேசியில் உரையாடினார். முன்னரே நேரம் குறிக்கப்பட்ட இந்த உரையாடலுக்கு, ட்ரம்பை, புதின் காக்க வைத்ததாக கூறப்படுகிறது. இந்நிகழ்வுக்கு முன்னதாக புதின் பங்கேற்ற ஒரு நிகழ்ச்சியில், புதினின் செயலாளர் ட்ரம்பின் அப்பாயிண்ட்மென்ட் குறித்து கிண்டலடிக்கும் வீடியோ காட்சி வெளியாகியுள்ளது. அதில் இதை கண்டுகொள்ளாதீர்கள், அவரது வேலையை அவர் செய்கிறார் என புதின் கூறுகிறார்.
Similar News
News July 7, 2025
KN நேரு சகோதரருக்கு எதிரான CBI வழக்கு ரத்து
2013-ல் IOB-ல் பெற்ற கடனில் செய்த மோசடியால் ₹22.48 கோடி இழப்பு ஏற்பட்டதாக KN நேருவின் சகோதரர் ரவிச்சந்திரன் இயக்குநராக உள்ள நிறுவனத்திற்கு எதிராக புகார் எழுந்தது. இதன்பேரில் CBI பதிவு செய்த வழக்கின் அடிப்படையில் ED சோதனை மேற்கொண்டது. இதனிடையே, இவ்வழக்கை ரத்து செய்யக் கோரி மனுத்தாக்கல் செய்யப்பட்டது. இந்நிலையில், ₹15 லட்சம் அபராதம் செலுத்த உத்தரவிட்டு CBI பதிவு செய்த வழக்கை HC ரத்து செய்துள்ளது.
News July 7, 2025
அஜித் மரணம்: பணிக்கு திரும்பிய புகார்தாரர் நிகிதா!
அஜித் குமார் லாக்கப் டெத் வழக்கில் புகார் கொடுத்த நிகிதா கூலாக பணிக்கு திரும்பியுள்ளார். அவர் மீது பல்வேறு பண மோசடி புகார்கள் நிலுவையில் இருப்பதாக அவரது முன்னாள் கணவர் திருமாறன் உள்ளிட்டோர் கூறியிருந்தனர். மேலும், அவரை கைது செய்து போலீசார் விசாரிக்க உள்ளதாகவும் பேசப்பட்டது. ஆனால், 20 நாள்கள் மருத்துவ விடுப்பு முடிந்து இன்று திண்டுக்கல்லில் உள்ள MV முத்தையா அரசு கல்லூரிக்கு பணிக்கு சென்றுள்ளார்.
News July 7, 2025
ராட்சசன் 2 உறுதி: விஷ்ணு விஷால்
தற்போது ‘கட்டா குஸ்தி 2’ படத்தில் நடிப்பதாகக் கூறிய விஷ்ணு விஷால், அடுத்த ஆண்டு ‘ராட்சசன் 2’ படமும் வருவதாக உறுதியளித்துள்ளார். இது அப்படத்தின் ரசிகர்களை குஷிப்படுத்தியுள்ளது. 2018-ல் ராம்குமார் இயக்கத்தில் வெளியான இப்படம் தற்போதுவரை ரசிக்கப்படுகிறது. குறிப்பாக, வில்லன் ரோல் & த்ரில்லிங் காட்சிகள் கொண்டாடப்படுகிறது. அதேநேரம், கட்டா குஸ்தி படமும் பெஸ்ட் எண்ட்ர்டெய்னராக அமைந்தது.