News March 19, 2025
திமுக கொடிகளை 15 நாள்களில் அகற்றுங்கள்: துரைமுருகன்
பொது இடங்களில் வைக்கப்பட்டுள்ள DMK கொடிகளை 15 நாள்களுக்குள் அகற்றிவிட்டு விவரங்களை தலைமைக்கு அனுப்ப துரைமுருகன் உத்தரவிட்டுள்ளார். தேசிய நெடுஞ்சாலை, மாநில நெடுஞ்சாலை, உள்ளாட்சித் துறைக்கு சொந்தமான இடங்களில் அமைக்கப்பட்டுள்ள அனைத்து அரசியல் கட்சிகள், இயக்கங்கள், சாதி மத ரீதியிலான அனைத்து கொடிக் கம்பங்களையும் அகற்றக் கடந்த 6ஆம் தேதி ஐகோர்ட் மதுரைக் கிளை உத்தரவிட்டிருந்தது கவனிக்கத்தக்கது.
Similar News
News March 19, 2025
பிரேசில் பாஸ்கட்பால் ஜாம்பவான் காலமானார்
பிரேசில் நாட்டின் பாஸ்கட்பால் ஜாம்பவான்களில் ஒருவரான லாமிர் மார்கிஸ் (87) காலமானார். 1959, 1963ஆம் ஆண்டுகளில் உலகக்கோப்பை பாஸ்கட்பால் சாம்பியன் பட்டத்தை பிரேசில் அணி வென்றபோது, அந்த அணிகளில் மார்கிஸ் இடம்பெற்றிருந்தார். மேலும், 1960, 1964ஆம் ஆண்டுகளில் ஒலிம்பிக்ஸ் போட்டிகளில் பிரேசில் நாடு வெண்கலம் வென்றபோதும் அந்த அணிகளில் அவர் இருந்தார்.
News March 19, 2025
PF பணத்தை முழுவதும் எடுக்க முடியுமா?
தொழிலாளர் வருங்கால வைப்பு நிதி (PF) கணக்கில் உள்ள பணம் முழுவதையும் ஓய்வு பெற்றதும் ஒரே முறையில் எடுத்து விட முடியும். அதுவரை பகுதியளவிலேயே பணத்தை எடுக்க முடியும். PF கணக்கு வைத்திருப்போர், ஒரு மாதம் வேலையில்லாமல் இருந்து அவரின் கணக்கில் பணம் செலுத்தப்படாது போகுமாயின் ஆன்லைன் அல்லது நேரில் விண்ணப்பித்து 75% பணத்தை எடுக்கலாம். எஞ்சிய தொகையை 2 மாதங்களுக்கு பிறகு எடுக்கலாம்.
News March 19, 2025
அன்புமணி கேள்விக்கு மத்திய அரசு ‘ஷாக்’ பதில்
தமிழகத்தில் சாதிவாரி கணக்கெடுப்பு நடத்த பாமக வலியுறுத்தி வரும் நிலையில், கணக்கெடுப்பு நடத்த மத்திய அரசுக்கே அதிகாரம் உள்ளதாக தமிழக அரசு தெரிவித்திருந்தது. இந்நிலையில், சாதிவாரி கணக்கெடுப்பு தொடர்பாக தமிழக அரசு, மத்திய அரசிடம் கோரிக்கை வைத்துள்ளதா என அன்புமணி மாநிலங்களவையில் கேள்வி எழுப்பிய நிலையில், அவ்வாறு எந்த கோரிக்கையும் வரவில்லை என மத்திய அரசு தெரிவித்துள்ளது.