News March 18, 2025
ஸ்டார்லிங்கிற்கு வரி.. கட்டணம் உயருமா?
எலான் மஸ்கின் ஸ்டார்லிங் நிறுவனத்திற்கு, மொத்த வருவாயில் 3% ஸ்பெக்ட்ரம் வரி விதிக்கப்பட உள்ளதாக தகவல் வெளியாகியுள்ளது. இதுபோக, லைசென்ஸ் கட்டணம் 8% விதிக்கப்படும் என்பதால், அந்நிறுவனத்தின் சேவைக் கட்டணம் உயரும் என எதிர்பார்க்கப்படுகிறது. நிலத்தில் இருந்து சேவை வழங்கும் ஜியோ, ஏர்டெல், வோடஃபோன் நிறுவனங்களுக்கு சில ஆண்டுகளுக்கு முன் ஸ்பெக்ட்ரம் வரி விதிப்பில் இருந்து விலக்கு அளிக்கப்பட்டது.
Similar News
News September 22, 2025
பக்தி பாடல்களை தனக்கு SHARE செய்ய சொல்லும் PM
நவராத்திரி என்பது தூய பக்தியை குறிக்கும் பண்டிகை என PM மோடி பதிவிட்டுள்ளார். இந்த பக்தியை பலர் இசையின் மூலம் வெளிப்படுத்துவதாக கூறிய அவர், பாடகர் பண்டிட் ஜஸ்ராஜின் பாடல் ஒன்றை பகிர்ந்துள்ளார். மேலும், தாங்கள் பாடிய பக்தி பாடல்களையோ அல்லது தங்களுக்கு பிடித்த பக்தி பாடல்களையோ தனக்கு அனுப்புமாறும் அவர் கேட்டுக்கொண்டார். வரும் நாட்களில் அதில் சிலவற்றை அவர் பதிவிடப்போவதாகவும் தெரிவித்துள்ளார்.
News September 22, 2025
தமிழகத்தில் 3 நாள்களுக்கு மழை வெளுக்கும்: IMD
வங்கக் கடலில் இன்றும், செப்.25-ம் தேதியும் அடுத்தடுத்து 2 காற்றழுத்த தாழ்வுப் பகுதி உருவாக வாய்ப்புள்ளதாக IMD கணித்துள்ளது. இதில், 25-ல் உருவாகும் காற்றழுத்தம் வலுவடைந்து தாழ்வு மண்டலமாக ஆந்திரா – ஒடிசா இடையே கரையை கடக்கும் எனவும் குறிப்பிடப்பட்டுள்ளது. இதன் காரணமாக, தமிழகத்தில் அடுத்த 3 நாள்களுக்கு இடி, மின்னலுடன் மழை பெய்யக்கூடும் எனத் தெரிவிக்கப்பட்டுள்ளது.
News September 22, 2025
நடிகை ராதிகா வீட்டில் துயரம்.. கண்ணீர் அஞ்சலி
எம்.ஆர்.ராதாவின் மனைவியும், நடிகைகள் ராதிகா, நிரோஷாவின் தாயாருமான கீதா ராதா (86) நேற்று காலமானார். சென்னை போயஸ் கார்டன் இல்லத்தில் வைக்கப்பட்டுள்ள அவரது உடலுக்கு சினிமா பிரபலங்கள், முக்கிய தலைவர்கள் அஞ்சலி செலுத்தி வருகின்றனர். அஞ்சலிக்கு பிறகு 4 மணியளவில் இறுதி ஊர்வலம் தொடங்கும் என்றும் மாலை 5.30 மணிக்கு பெசன்ட் நகர் மின்மயானத்தில் உடல் தகனம் செய்யப்படும் எனவும் தெரிவிக்கப்பட்டுள்ளது.