News March 17, 2025
ஊழல் புகாருக்கு ஆதாரம் எங்கே? ரகுபதி விளாசல்
டாஸ்மாக்கில் ரூ.1,000 கோடி ஊழல் எனத் தெரிவிப்பதற்கு ஆதாரம் எங்கே? என்று சட்ட அமைச்சர் ரகுபதி கேள்வி எழுப்பியுள்ளார். ED-யை பாஜக கேடயமாக பயன்படுத்துகிறது எனவும், முதல்வர் ஸ்டாலின் குறித்து அண்ணாமலை தவறாக பேசி இருப்பதாகவும் அவர் குற்றஞ்சாட்டியுள்ளார். CM ஸ்டாலின் எந்த தவறுக்கும் இடம் கொடுக்க மாட்டார், திமுக ஆட்சியில் 500 டாஸ்மாக் கடைகள் மூடப்பட்டு இருப்பதாகவும் அவர் குறிப்பிட்டுள்ளார்.
Similar News
News September 23, 2025
தங்கம் விலை வரலாறு காணாத உயர்வு.. மிகப்பெரிய தாக்கம்
சர்வதேச பொருளாதார சூழல், ரூபாய் – டாலர் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. ‘எச்-1பி’ விசா கட்டணத்தை 1 லட்சம் டாலராக உயர்த்தியதால், இந்திய ரூபாயின் மதிப்பு வீழ்ச்சியடைந்து ₹88.30-ஐ மீண்டும் தொட்டது. இதன் எதிரொலியாகவும், டாலர்களை மட்டுமே சார்ந்து இருக்காமல் மத்திய வங்கிகள் தங்கம் வாங்கி குவித்ததாலும், நேற்று ஒரே நாளில் தங்கத்தின் விலை ₹1,120 உயர்ந்துள்ளது.
News September 23, 2025
SPORTS ROUNDUP: சாதனை படைத்த இந்திய ஸ்கேட்டிங் குழு!
*புரோ கபடி லீக்: 39- 22 என்ற புள்ளிகள் கணக்கில் தமிழ் தலைவாஸ் அணியை வீழ்த்தியது உ.பி. யோதாஸ்.
*இந்திய மாஸ்டர்ஸ் தடகள சம்மேளனம் சார்பில் 23-வது ஆசிய மாஸ்டர்ஸ் தடகள சாம்பியன்ஷிப் தொடர் சென்னையில் வரும் நவம்பரில் நடைபெறவுள்ளது.
*ஸ்பீட் ஸ்கேட்டிங் சாம்பியன்ஷிப்: இந்தியா 3 தங்கம், 2 வெண்கல பதக்கங்களை வென்று, வரலாற்றில் முதல்முறையாக பதக்கப்பட்டியலில் 5-வது இடம் பிடித்து சாதனை படைத்துள்ளது.
News September 23, 2025
குறட்டை விடுறீங்களா? இதய பிரச்னையா கூட இருக்கலாம்
நாம் சாதாரணமாக நினைக்கும் குறட்டை, இதய ஆரோக்கியத்திற்கான எச்சரிக்கை மணியாக இருக்கலாம் என டாக்டர்கள் எச்சரிக்கின்றனர். தூக்கத்தின்போது காற்றுப்பாதை அடைபட்டு, சுவாசிக்க முடியாமல் போவதால் குறட்டை ஏற்படுகிறது. இதனால் ரத்தத்தில் ஆக்ஸிஜன் அளவு குறைந்து, காலப்போக்கில் இதயம் பாதிப்படையும். இது நீண்ட நாள்களுக்கு தொடர்ந்தால் இதய செயலிழப்புக்கு கூட வழிவகுக்கும் என டாக்டர்கள் சொல்றாங்க. SHARE.