News March 14, 2025
எம்.எல்.ஏ ஜவாஹிருல்லாவுக்கு ஓராண்டு சிறை
மனித நேய மக்கள் கட்சியின் தலைவரும், பாபநாசம் தொகுதி எம்.எல்.ஏவுமான ஜவாஹிருல்லாவுக்கு சென்னை ஐகோர்ட் ஓராண்டு சிறைத் தண்டனை விதித்துள்ளது. 1997இல் வெளிநாட்டிலிருந்து சட்டவிரோதமாக ₹1.5 கோடி நிவாரண நிதி பெற்றதாகத் தொடரப்பட்ட வழக்கில் கீழமை நீதிமன்றம் விதித்த தண்டனையை ஐகோர்ட் உறுதி செய்துள்ளது.
Similar News
News September 4, 2025
உயர் நீதிமன்றத்திற்கு வெடிகுண்டு மிரட்டல்
சென்னை உயர் நீதிமன்றத்திற்கு மின்னஞ்சல் (இ-மெயில்) மூலம் வெடிகுண்டு மிரட்டல் விடுக்கப்பட்டுள்ளது. இந்த மிரட்டலைத் தொடர்ந்து, நீதிமன்ற வளாகத்தில் பாதுகாப்பு பலப்படுத்தப்பட்டு, தீவிர சோதனை நடைபெற்று வருகிறது. வெடிகுண்டு மிரட்டல் குறித்துத் தகவல் அறிந்ததும், உயர் நீதிமன்ற வளாகத்தைச் சுற்றிலும் தீயணைப்புத் துறை வீரர்கள் (ம) வெடிகுண்டு நிபுணர்கள் விரைந்து வந்து சோதனையில் ஈடுபட்டனர்.
News September 4, 2025
மீண்டும் முதலிடம் பிடித்த சென்னை IIT
17 பிரிவுகளில் சிறந்த கல்வி நிறுவனங்களின் பட்டியலை மத்திய அரசு வெளியிட்டுள்ளது. நாட்டில் சிறந்த உயர்கல்வி நிறுவனங்களின் தரவரிசை பட்டியலில் சென்னை IIT முதலிடம் பிடித்துள்ளது. சிறந்த பல்கலைக்கழகங்களின் பட்டியலில் அண்ணா பல்கலைக்கழகம் 2-ம் இடமும், பாரதியார் பல்கலைக்கழகம் 10-வது இடமும் பிடித்துள்ளன. சிறந்த கல்லூரிகள் பட்டியலில் கிருஷ்ணம்மாள் கல்லூரி 9-வது, PSG கல்லூரி 10-வது இடத்தையும் பிடித்தன.
News September 4, 2025
தொலைநோக்கு பார்வையுடன் GST வரி மாற்றம்: EPS
GST வரி விதிப்பில் மாற்றம் கொண்டு வந்த மத்திய அரசுக்கு EPS வரவேற்பு தெரிவித்துள்ளார். மாற்றத்தை ஏற்படுத்தும் சீர்திருத்தத்துடனும், தொலை நோக்கு பார்வையுடனும் PM மோடி கொண்டு வந்த மாற்றத்துக்கு பாராட்டுகள் என EPS பதிவிட்டுள்ளார். அத்தியாவசிய பொருட்களின் வரி மாற்றம் முன்னேற்றத்தை உறுதி செய்யும் எனவும் EPS குறிப்பிட்டுள்ளார். வரி குறைப்பால், மக்களின் நம்பிக்கை அதிகரிக்கும் எனவும் கூறியுள்ளார்.