News March 14, 2025
விசைத்தறிகளை நவீனப்படுத்த ₹50 கோடி!
விசைத்தறிகளை நவீனப்படுத்த ₹50 கோடி ஒதுக்கப்படும். உயர்மதிப்புடைய ஆடைகளை உற்பத்தி செய்ய நடவடிக்கை எடுக்கப்படும். கைத்தறித் துறைக்கு ₹1,980 கோடி ஒதுக்கீடு செய்யப்படும். அதேபோல, விலையில்லா வேட்டி, சேலை வழங்கும் திட்டத்திற்கு ₹673 கோடி ஒதுக்கப்படும் என பட்ஜெட்டில் அமைச்சர் தங்கம் தென்னரசு தெரிவித்துள்ளார்.
Similar News
News March 4, 2026
இன்றைய கறிக்கோழி, முட்டை விலை நிலவரம்
நாமக்கல் மண்டலத்தில் இன்றைய (04-03-2026) காலை நிலவரப்படி, கறிக்கோழி பண்ணை கொள்முதல் விலை (உயிருடன்) ரூ.128- ஆகவும், பண்ணை கோழி விலை ரூ.62- ஆகவும் விற்பனையாகி வருகின்றது. அதேபோல் முட்டை கொள்முதல் விலை ரூ.4.30- ஆக நிர்ணயம் செய்யப்பட்டு விற்பனையாகி வருகின்றது. கடந்த சில நாட்களாக முட்டை கொள்முதல் விலை மளமளவென சரிவடைந்து வருவதால் பண்ணையாளர்கள் கவலை அடைந்துள்ளனர்.
News March 4, 2026
உலக நாடுகள் இதை பற்றி சிந்திக்காதது ஏன்?
ஈரானுடன் தொடங்கிய போர் 1 மாதத்திற்கு நீடித்தால் சுமார் ₹18 லட்சம் கோடி செலவாகும் என US மதிப்பீடு செய்துள்ளது. ஆனால் ₹29.31 லட்சம் கோடி இருந்தால் உலகத்தில் வறுமையே இல்லாமல் செய்யமுடியும் என UN சொல்கிறது. இந்நிலையில், மக்கள் உரிமைக்காக, பாதுகாப்புக்காக எனக் கூறி போரில் முனைப்பை காட்டும் எந்த நாடும், வறுமையில் வாடும் மக்களுக்காக இந்த நிதியை ஒதுக்குவதில்லையே என பலர் கேட்கின்றனர். உங்கள் கருத்து?
News March 4, 2026
தென் மாவட்டங்களை குறிவைக்கும் பாஜக, அமமுக
திமுக கூட்டணியில் தொகுதிப்பங்கீடு கிட்டத்தட்ட உறுதியாகிவிட்டது. ஆனால், அதிமுக கூட்டணியில் தொகுதிப்பங்கீடு பேச்சுவார்த்தை இன்னும் தொடங்கவே இல்லை. இன்று நடைபெறும் அதிமுக மா.செ., கூட்டத்திற்கு பிறகு தொகுதிப்பங்கீடு பேச்சுவார்த்தை தொடங்கும் என எதிர்பார்க்கப்படுகிறது. குறிப்பாக, தென் மாவட்டங்களில் பாஜக, அமமுக அதிகமான இடங்களில் போட்டியிட விருப்பம் தெரிவித்துள்ளதாக கூறப்படுகிறது.