News March 1, 2025
Shadow Budget: ரேஷன் கடைகளில் நாட்டு சர்க்கரை
தமிழக ரேஷன் கடைகளில் நாட்டு சர்க்கரை விற்கப்படும் என்பன உள்ளிட்ட 80 தலைப்புகளின் கீழ், வேளாண் நிழல் நிதிநிலை அறிக்கையை பாமக தலைவர் அன்புமணி ராமதாஸ் வெளியிட்டார். அதில், வேளாண்துறைக்கு பட்ஜெட்டில் ₹65,000 கோடி நிதி ஒதுக்கீடு செய்யப்பட்டுள்ளது. காவிரியை பாதுகாக்கப்பட்ட வேளாண் மண்டலமாக்குவது, 100 நாள் வேலை திட்டத்தை 150 நாள்களாக உயர்த்துவது உள்ளிட்ட திட்டங்கள் அதில் இடம் பெற்றுள்ளன.
Similar News
News March 1, 2025
PNB வங்கியின் வீட்டு கடன் வட்டி குறைப்பு.. இன்று அமலானது
EBLR உடன் இணைக்கப்பட்ட வீட்டுக் கடனுக்கான வட்டியை பஞ்சாப் நேசனல் வங்கி அண்மையில் குறைத்தது. இந்த வட்டி குறைப்பு மார்ச் 1 முதல் அமலுக்கு வரும் எனத் தெரிவித்திருந்தது. அதன்படி, வட்டி குறைப்பு இன்று முதல் அமலுக்கு வந்துள்ளது. புளோட்டிங் வட்டி விகிதத்தில் புதிதாக வாங்கிய வீட்டு கடன் அனைத்தும் இபிஎல்ஆருடன் இணைக்கப்பட்டுள்ளது. இதனால் இபிஎல்ஆரில் செய்யப்படும் மாற்றம், இஎம்ஐயில் பிரதிபலிக்கும்.
News March 1, 2025
காவல்துறை செய்தது தவறு: அண்ணாமலை
சீமான் விவகாரத்தில் போலீசார் நடந்து கொண்ட முறை சரியல்ல என அண்ணாமலை குற்றஞ்சாட்டியுள்ளார். சீமானிடமே நேரில் சம்மனை வழங்கியிருக்கலாம் என கூறிய அவர், தேடப்படும் குற்றவாளியின் வீட்டில்தான் சம்மன் ஒட்டுவார்கள் என்றார். மேலும், இந்த வழக்கில் ஆரம்பத்தில் இருந்தே போலீசார் நடந்துகொண்ட விதம் சரியில்லை என்று விமர்சித்த அவர், காவல்துறை அதிகாரத்தை தவறாக பயன்படுத்துவதாகவும் சாடியுள்ளார்.
News March 1, 2025
யார் பெஸ்ட்? அஜித்- விஜய் ரசிகர்களிடையே மோதல்
அஜித் – விஜய் ரசிகர்களிடையே சோஷியல் மீடியாக்களில் சண்டை பற்றி எரிகிறது. நேற்று வெளியான ‘குட் பேட் அக்லி’ திரைப்படத்தின் டீசர் முழுவதும் மாஸான சம்பவங்கள் இருந்தாலும், சின்ன வயது அஜித்தின் கெட்டப் அனைவரின் கவனத்தையும் ஈர்த்துள்ளது. இதையும், கோட் படத்தில் AI தொழில்நுட்பம் மூலம் உருவான சின்ன வயது விஜய்யும் ஒப்பிட்டு, யார் பெஸ்ட்? என இருவரின் ரசிகர்களும் மல்லுக்கட்டிக் கொண்டிருக்கின்றனர்.