News March 1, 2025
முதல்வருக்கு சீமான் பிறந்தநாள் வாழ்த்து
தமிழக முதல்வர் ஸ்டாலினுக்கு, சீமான் பிறந்தநாள் வாழ்த்து தெரிவித்துள்ளார். பாலியல் வழக்கில் போலீசாரின் விசாரணைக்கு பிறகு செய்தியாளர்களிடம் பேசிய அவர், கலைஞர் தன்னை அரசியல் கட்சி தலைவராக்கியதாகவும், ஆனால் ஸ்டாலின் வழக்குப்போட்டு தன்னை நிச்சயம் முதல்வராக்கி விடுவார் என்றார். அரசியல் ரீதியாக எத்தனை இடையூறுகளை ஏற்படுத்தினாலும், அதை உடைத்தெறிவோம் என்றும் அவர் தெரிவித்துள்ளார்.
Similar News
News March 1, 2025
அன்பு சகோதரர் ஸ்டாலின்.. ராகுல் பிறந்தநாள் வாழ்த்து
அன்பு சகோதரர் ஸ்டாலின் நல்ல ஆரோக்கியத்துடன் தமிழக மக்களுக்கு சேவை செய்ய தொடர்ந்து வெற்றி பெற வாழ்த்துகிறேன் என ராகுல் காந்தி வாழ்த்து கூறியுள்ளார். 72ஆவது பிறந்தநாள் கொண்டாடும் ஸ்டாலினுக்கு X தளத்தில் வாழ்த்து கூறிய அவர், இந்தியாவின் வளமான பன்முகத்தன்மை, கூட்டாட்சி அமைப்பு, அரசியலமைப்புக்காக உறுதியாகத் தொடர்ந்து நிற்போம் என்றும் குறிப்பிட்டுள்ளார்.
News March 1, 2025
அதிகபட்சம் 8 செ.மீ. மழை
கிழக்கு திசை காற்றின் வேக மாறுபாடு காரணமாக தமிழகத்தில் பரவலாக மழை பெய்து வருகிறது. குறிப்பாக, கடந்த 24 மணி நேரத்தில் நெல்லை மாவட்டம் ஊத்து பகுதியில் 8 செ.மீ. மழை பெய்துள்ளது. ராமேஸ்வரத்தில் 7 செ.மீ., திருவாரூர், நாகை தலா 6 செ.மீ., செங்கோட்டை, தங்கச்சிமடம், நீடாமங்கலம் பகுதிகளில் தலா 5 செ.மீ மழை பதிவாகியுள்ளது. கடலோர மாவட்டங்களில் பரவலாக மழை பெய்து வருகிறது.
News March 1, 2025
முதல்வருக்கு விஜய் வாழ்த்து
முதலமைச்சர் மு.க.ஸ்டாலின் பிறந்தநாளுக்கு தவெக தலைவர் விஜய் ஒரு வரியில் வாழ்த்து தெரிவித்துள்ளார். தவெகவின் அரசியல் எதிரியாக திமுகவை விஜய் ஏற்கெனவே அறிவித்திருக்கிறார். இந்நிலையில், X தளத்தின் வாயிலாக வாழ்த்து தெரிவித்திருக்கும் அவர், “மாண்புமிகு தமிழ்நாடு முதலமைச்சர் திரு. மு.க.ஸ்டாலின் அவர்களுக்கு இனிய பிறந்த நாள் வாழ்த்துகள்.” என்று குறிப்பிட்டுள்ளார்.