News March 1, 2025
சின்னப்பசங்க அப்படித்தான் பேசுவார்கள்: முத்தரசன்
பாசிசம் என்றால் என்னவென்றே தெரியாதவர்கள் பாயாசம் பற்றி பேசுவதாக தவெக தலைவர் விஜயை CPI மாநிலச் செயலாளர் முத்தரசன் மறைமுகமாக விமர்சித்துள்ளார். அரசியலில் ஆர்வம் காட்டுகிறவர்கள் ஹிட்லரை படித்து, பாசிசம் என்றால் என்னவென்று தெரிந்துகொள்ள வேண்டும் எனவும் அறிவுறுத்தியுள்ளார். சின்னப் பிள்ளைகள் அப்படிதான் பேசுவார்கள், அதை பெரிதாக எடுத்துக்கொள்ள கூடாது என்றும் அவர் தெரிவித்துள்ளார்.
Similar News
News March 1, 2025
RIP மைக்ரோசாப்ட் ஸ்கைப்
புகழ்பெற்ற வீடியோ காலிங் சாப்ட்வேரான ஸ்கைப்பை மே 2025உடன் நிறுத்தப்போவதாக மைக்ரோசாப்ட் அறிவித்துள்ளது. மாறாக, Microsoft Teams ப்ரோமோட் செய்யப்படும் என்றும் அறிவித்துள்ளது. 2003ஆம் ஆண்டு இரு இளைஞர்களால் தொடங்கப்பட்ட ஸ்கைப் சாப்ட்வேர், தொலைத்தொடர்பில் புதிய புரட்சி செய்தது. பின்னர், 2011ஆம் ஆண்டு மைக்ரோசாப்ட் அதனை வாங்கி புதுப்பித்தது. இந்நிலையில், பரிணாம வளர்ச்சியால் ஸ்கைப் மூடுவிழா காண்கிறது.
News March 1, 2025
பள்ளிகளில் மாணவர் சேர்க்கை தொடங்கியது
தமிழகம் முழுவதும் உள்ள அரசுப் பள்ளிகளில் 2025-26ஆம் ஆண்டுக்கான மாணவர் சேர்க்கையை முதல்வர் ஸ்டாலின் தொடங்கி வைத்தார். சென்னை ராயப்பேட்டை அரசுப் பள்ளியில் மாணவச் சேர்க்கையை தொடங்கிய அவர், தனது பிறந்தநாளையும் அங்குள்ள மாணவர்களுடன் கொண்டாடினார். பள்ளிகளில் புதிதாக சேர வந்த மாணவர்களுக்கு மலர் மாலைகள் அணிவித்து இனிப்புகள் வழங்கி முதல்வர் குதூகலித்தார்.
News March 1, 2025
முதல்வர் ஸ்டாலினை வாழ்த்திய பிரதமர் மோடி
முதல்வர் மு.க.ஸ்டாலினுக்கு பிரதமர் மோடி பிறந்தநாள் வாழ்த்து கூறியுள்ளார். “தமிழ்நாடு முதல்வர் மு.க.ஸ்டாலின் நீண்ட ஆயுளும் ஆரோக்கியமும் பெற்று மகிழ்ச்சியாக இருக்க வேண்டுகிறேன்” என தனது X தளத்தில் பதிவிட்டுள்ளார். அரசியல் களத்தில் பிரதமரும், முதல்வரும் இருவேறு துருவங்களாக இருந்தாலும், முதல்வருக்கு, பிரதமர் மோடி வாழ்த்துக் கூறியுள்ளது கவனத்தை ஈர்த்துள்ளது.