News February 26, 2025
2026இல் 10,000 பிளாக் ஸ்பாட்டுகளை நீக்க முடிவு
NH-ல் 10,000 பிளாக் ஸ்பாட்டுகளை நீக்க மத்திய அரசு முடிவு செய்துள்ளது. அதிக விபத்துகள் நடைபெறும் இடங்கள் குறித்து வாகன ஓட்டிகளை எச்சரிக்க பிளாக் ஸ்பாட் வைக்கப்பட்டு இருக்கும். இந்நிலையில், விபத்துக்களை தடுக்க எடுக்கப்பட்ட நடவடிக்கைகள் உள்ளிட்டவற்றை கவனத்தில் காெண்டு, 2026ல் 10,000 பிளாக் ஸ்பாட்டுகளை நீக்க மத்திய சாலை போக்குவரத்து, நெடுஞ்சாலை அமைச்சகம் முடிவு செய்துள்ளது.
Similar News
News February 26, 2025
மகளை பெற்ற தந்தையா… ஹேப்பி நியூஸ்
மகள்களை பெறாத தந்தையரை விட, மகள்களை பெற்ற தந்தையர் 2 ஆண்டுகள் கூடுதலாக வாழ்வதாகவும், அவர்களின் மனநலமும், சுயமதிப்பும் சிறப்பாக உள்ளதாகவும் போலந்து ஆய்வில் தெரிய வந்துள்ளது. மகன்கள் இருந்தாலும், இல்லையென்றாலும் மகள்கள் இருந்தால் சராசரியாக 74 வாரங்கள் தந்தையரின் ஆயுள் கூடுகிறதாம். அதேபோல குழந்தைகள் இல்லாத பெற்றோரை விட, குழந்தைகள் உள்ள பெற்றோர் ஆரோக்கியமாகவும் நீண்ட ஆயுளுடனும் வாழ்கிறார்களாம்.
News February 26, 2025
பிரதிநிதித்துவத்தை இழக்கும் தென்மாநிலங்கள்: ஆ.ராசா
தொகுதி மறுசீரமைப்பு என்பது மக்கள் தொகையின் அடிப்படையில் இருக்கக்கூடாது என ஆ.ராசா கூறியுள்ளார். தொகுதி விகிதாச்சாரமா, மக்கள் தொகை விகிதாச்சாரமா என்பது குழப்பமாக உள்ளதாகவும், மக்களவைத் தொகுதியை மறுசீரமைப்பு செய்தால் நாடாளுமன்றத்தில் தென்மாநிலங்கள் பிரதிநிதித்துவத்தை இழக்கும் என்றும் எச்சரித்துள்ளார். வடமாநிலங்களில் தொகுதிகளின் எண்ணிக்கையை அதிகரிப்பது TNக்கு இழைக்கப்படும் அநீதி என்றும் சாடியுள்ளார்.
News February 26, 2025
‘L2: எம்புரான்’ போஸ்டர் வெளியீடு
பெரிதும் எதிர்பார்க்கப்பட்ட மோகன்லாலின் ‘L2: எம்புரான்’ படத்தின் போஸ்டர் வெளியாகியுள்ளது. பிருத்விராஜ் இயக்கத்தில் வெளியாகி பெரும் வெற்றி பெற்ற ‘லூசிஃபர்’ படத்தின் 2ஆம் பாகமாக உருவாகியுள்ள இப்படத்தில் டொவினோ தாமஸ், மஞ்சு வாரியர் உட்பட முக்கிய நட்சத்திரங்கள் நடித்துள்ளனர். முதல் பாகத்தில் ஸ்டீபன் நெடும்பள்ளி குறித்த கதை வெளியான நிலையில், 2வது பாகம் குரேஷி அபிராம் குறித்த கதையாக அமைந்துள்ளது.