News February 25, 2025
நடிகை ரஞ்சனா நாச்சியார் பாஜகவிலிருந்து விலகல்
மத்திய அரசின் ஹிந்தி திணிப்பு மற்றும் மும்மொழிக் கொள்கைக்கு எதிர்ப்பு தெரிவித்து, பாஜகவின் கலை மற்றும் கலாசாரப் பிரிவு மாநிலச் செயலாளர் ரஞ்சனா நாச்சியார் கட்சியில் இருந்து விலகியுள்ளார். இவர் தான், சில மாதங்களுக்கு முன்பு பஸ்ஸில் ஃபுட் போர்ட் அடித்த மாணவர்களை பொதுவெளியில் ‘பளார்’ என அறைந்தவர். சினிமா துணை நடிகையாகவும் இருக்கும் இவர், ரஜினியின் அண்ணாத்த படத்திலும் நடித்துள்ளார்.
Similar News
News February 25, 2025
மேலே பாருங்க. எல்லாமே தெரியும்
வரும் 28ஆம் தேதி நைட் வானத்தை நோக்கி பார்த்தீங்கன்னா, 7 கோள்களையும் (பூமி தவிர) ஒரே நேரத்துல பார்க்கலாம். எப்பவோ ஒருமுறை நடக்குற இந்த அதிசயத்தை மிஸ் பண்ணிடாதீங்க. சூரியன் அஸ்தமிச்ச உடனே மேற்கு வானத்துல சனி, புதன், வெள்ளி கிரகங்களை வெறும் கண்கள்லயே பார்க்கலாம். அதுக்கு மேல நடு வானத்துல செவ்வாயையும், கிழக்குல செவ்வாயையும் பார்க்கலாம். யுரேனஸ் & நெப்டியூன் கிரகங்களைப் பார்க்க டெலெஸ்கோப் வேணும்.
News February 25, 2025
₹500 கோடி வசூலித்த ‘சாவா’
‘சாவா’ திரைப்படம் உலகளவில் ₹500 கோடி வசூலை ஈட்டியுள்ளதாக தகவல் வெளியாகியுள்ளது. சத்ரபதி சம்பாஜி மகாராஜாவின் வாழ்க்கை வரலாறை மையமாகக் கொண்டு உருவான இந்தப் படத்தில், விக்கி கெளஷல்-ரஷ்மிகா மந்தனா உள்ளிட்டோர் நடித்துள்ளனர். பிப்ரவரி 14ஆம் தேதி ரிலீஸான இந்தப் படம், இந்தியாவில் மட்டும் ₹420 கோடி வசூலித்துள்ளதாக தெரிகிறது. இந்தப் படத்திற்கு A.R.ரஹ்மான் இசையமைத்துள்ளார்.
News February 25, 2025
சீமான் உயிருக்கு ஆபத்து
பெரியார் குறித்த சர்ச்சை பேச்சால், சீமான் உயிருக்கு ஆபத்து இருப்பதாகவும், அவரது வீட்டில் தாக்குதல் நடத்தப்படும் அச்சுறுத்தல் இருப்பதாகவும் உளவுத்துறை எச்சரித்தது. இந்நிலையில், சென்னை நீலாங்கரையில் உள்ள சீமான் வீட்டில் பெட்ரோல் குண்டு வீச திட்டமிட்ட தபெதிகவை சேர்ந்த டிங்கர் குமரனை போலீசார் பிடித்தனர். போலீஸ் பிடித்ததும் கையில் இருந்த பெட்ரோல் குண்டுகளை சாலையில் தூக்கி அவர் வீசியுள்ளார்.