News February 25, 2025
போலீஸ் வேலை.. கல்வித் தகுதியை உயர்த்த பரிந்துரை
தமிழக காவல்துறையில் கான்ஸ்டபிள்களாக சேர தற்போது குறைந்தபட்ச கல்வித் தகுதியாக 10ஆம் வகுப்பு தேர்ச்சி உள்ளது. இந்நிலையில், தமிழக காவல்துறை 5ஆவது ஆணையம் CM ஸ்டாலினிடம் அறிக்கை ஒன்றை அளித்துள்ளது. அதில் குறைந்தபட்ச கல்வியை 12ஆம் வகுப்பு தேர்ச்சியாக அதிகரிக்க பரிந்துரைத்துள்ளது. மேலும், கான்ஸ்டபிள் வேலைக்கு ஆள் எடுக்கையில் 20% தமிழ் மீடியத்தில் படித்தோரை தேர்வு செய்யும்படியும் பரிந்துரைத்துள்ளது.
Similar News
News February 25, 2025
பூக்களின் விலை 3 மடங்கு உயர்வு
மகா சிவராத்திரியை முன்னிட்டு தமிழகம் முழுவதும் பூக்களின் விலை 3 மடங்கு உயர்ந்துள்ளதாக பூ வியாபாரிகள் தெரிவித்துள்ளனர். அந்த வகையில், நேற்று கிலோ ₹400க்கு விற்கப்பட்ட மல்லிகைப்பூ, இன்று கிலோ ₹1,200க்கும், ₹300க்கு விற்கப்பட்ட பிச்சிப்பூ, முல்லைப்பூ கிலோ ₹1,000க்கும் விற்பனையாகிறது. மேலும், சீசன் முடிந்துவிட்டதால் மல்லிகை பூ வரத்து குறைந்து காணப்படுவதாகவும் கூறுகின்றனர்.
News February 25, 2025
மனைவியை விவாகரத்து செய்கிறார் கோவிந்தா
பிரபல பாலிவுட் நடிகர் கோவிந்தாவும், அவரின் மனைவி சுனிதா அகுஜாவும் விவாகரத்து பெற இருப்பதாக தகவல் வெளியாகியுள்ளது. 2 பேருக்கும் 37 ஆண்டுகளுக்கு முன்பு திருமணம் நடைபெற்றது. அண்மைக்காலமாக 2 பேருக்கும் வாக்குவாதம், சண்டைகள் ஏற்பட்டதாகக் கூறப்படுகிறது. இதனால் 2 பேரும் தனித்தனியே வசித்து வந்த நிலையில், அதிகாரப்பூர்வமாக விரைவில் விவாகரத்து பெற முடிவு செய்திருப்பதாக தகவல் வெளியாகியுள்ளது.
News February 25, 2025
3 ஓவர்களில் சதமா..! மரண ரெக்கார்ட்
கிரிக்கெட்டின் ஜாம்பவான் எனக் கொண்டாடப்படும் ஆஸி.யின் டான் பிராட்மேனின் நினைவு நாள் இன்று. 3 ஓவர்களில் அவர் சதம் அடித்ததைக் குறித்து தெரியுமா? 1931ல் உள்ளூர் போட்டி ஒன்றில் அவர் இச்சாதனையை படைத்துள்ளார். அப்போதெல்லாம், ஒரு ஓவருக்கு 8 பந்துகள் வீசப்படும். பிராட்மேன் முதல் ஓவரில் 33 ரன்கள், 2வது ஓவரில் 40 ரன்கள், 3வது ஓவரில் 27 ரன்களை விளாசினார். வெறும் 24 பந்துகளில் அவர் சதம் விளாசி இருக்கிறார்.