News February 24, 2025
கோலியை புகழ்ந்து தள்ளிய PAK கேப்டன்
உலகமே கோலி ஃபார்மில் இல்லை எனக் கூறும்போது தான், அவர் சதம் அடித்துள்ளதாக PAK கேப்டன் முகமது ரிஸ்வான் தெரிவித்துள்ளார். கோலியின் கடின உழைப்பும், ஃபிட்னஸும் கண்டிப்பாகப் பாராட்டப்பட வேண்டிய ஒன்று எனவும், அவரை அவுட்டாக்க கடினமாக முயற்சித்தும் அது பலனளிக்கவில்லை என்றும் அவர் கூறியுள்ளார். மேலும், பேட்டிங், ஃபீல்டிங், பவுலிங் என அனைத்திலும் சொதப்பியதே தங்களின் தோல்விக்கு காரணம் என தெரிவித்துள்ளார்.
Similar News
News February 24, 2025
₹1000 மகளிர் உரிமைத் தொகை.. தகுதியான பயனாளிகள் நீக்கம்?
மகளிர் உரிமைத்தொகை பெற்றுவந்த தகுதியான பயனாளிகள், திடீரென நீக்கப்பட்டதாக புகார் எழுந்துள்ளது. அதிக வருமானம் பெறுவோர் போன்ற தகுதியில்லாதோர், இறந்தோரின் பெயர்கள் அவ்வப்போது நீக்கப்பட்டு வருவதாகக் கூறப்படுகிறது. எனினும், தகுதியானவர்களுக்கு நிறுத்தப்பட்டது ஏனென்று கேள்வி எழுப்பும் பாதிக்கப்பட்டோர், கோட்டாட்சியர் அலுவலகங்களுக்கு அலைந்தும், காரணத்தையும் அதிகாரிகள் தெரிவிப்பதில்லை என்றும் கூறுகின்றனர்.
News February 24, 2025
நியூசி.,க்கு 237 ரன்கள் டார்கெட்
ICC Champions Trophy: இன்று நியூசி.,க்கு எதிராக முதலில் பேட்டிங் செய்த வங்கதேசம் 50 ஓவரில் 9 விக்கெட்டுக்கு 236 ரன்கள் எடுத்துள்ளது. அந்த அணியின் கேப்டன் நஜ்முல் ஹொசைன் சாண்டோ 77 ரன்கள் குவித்தார். அவர் மட்டும் நிலைத்து நிற்காமல் இருந்திருந்தால் அந்த அணி 200 ரன்களுக்கு கீழ் தான் இருந்திருக்கும். அதே நேரம், நியூசி., அணியில் அசத்தலாக பந்துவீசிய மைக்கேல் பிரேஸ்வெல் 4 விக்கெட்டுகளை கைப்பற்றினார்.
News February 24, 2025
கூட்டணி அமைப்பாரா ரஜினி?
ஜெயலலிதாவுடன் பல நேரங்களில் முரண்பட்ட ரஜினிகாந்த், இன்று போயஸ் கார்டன் இல்லத்திற்கு சென்று பிறந்தநாள் விழாவில் கலந்து கொண்டார். எப்போதும் பாஜகவுடன் இணக்கம் காட்டும் ரஜினியின் இந்த செயல்பாடு பல கேள்விகளை எழுப்பியுள்ளது. கடந்த தேர்தலில் பிரிந்த அதிமுக – பாஜக கூட்டணியை மீண்டும் இணைப்பதில் ரஜினி அணிலாக செயல்படலாம் என்று அரசியல் விமர்சகர்கள் கூறுகின்றனர். நீங்கள் என்ன நினைக்கிறீர்கள்?