News February 24, 2025
உடல் பருமன் பிரச்னை: 10 பேரை பரிந்துரைத்த PM
உடல் பருமன் பிரச்னை பற்றி விழிப்புணர்வு ஏற்படுத்த ஆனந்த் மஹிந்திரா, உமர் அப்துல்லா, நடிகர்கள் மோகன்லால், மாதவன் உள்ளிட்ட 10 பேரின் பெயர்களை PM மோடி பரிந்துரைத்துள்ளார். உணவில் சமையல் எண்ணெய் பயன்பாட்டை குறைக்கும் விழிப்புணர்வை ஏற்படுத்த வேண்டும் என அவர்களை கேட்டுக் கொண்டுள்ளார். உடல் பருமன் குறைப்பு இயக்கம் பெரிதாக அவர்கள் ஒவ்வொருவரும் 10 பேரை பரிந்துரைக்க வேண்டும் எனவும் வலியுறுத்தியுள்ளார்.
Similar News
News February 24, 2025
நாதகவில் இருந்து விலகினார் காளியம்மாள்
நாதகவில் இருந்து விலகுவதாக காளியம்மாள் அதிகாரப்பூர்வமாக அறிவித்துள்ளார். இத்தனை நாள்கள் உண்மையாய், உறவாய் பழகிய, பயணித்த அத்தனை உறவுகளுக்கும் நன்றி தெரிவித்துக்கொள்வதோடு, வருத்தங்களையும் பகிர்ந்துக்கொள்வதாகக் கூறியுள்ளார். தமிழ் தேசியத்தை விதைக்கும் வகையில் தன்னுடைய பயணம் தொடரும் என்று கூறிய அவர், இந்தப் பாதை இவ்வளவு சீக்கிரம் முடியும் என கனவில் கூட நினைக்கவில்லை என்று வேதனை தெரிவித்துள்ளார்.
News February 24, 2025
வங்கதேச வரலாற்றில் இதுவே முதல்முறை
வங்கதேசம் உருவான பிறகு, முதல்முறையாக பாகிஸ்தானுடனான நேரடி வர்த்தகத்தை அந்நாடு தொடங்கியுள்ளது. கிழக்கு பாகிஸ்தானாக இருந்த அந்த நாடு, 1971ல் இந்தியா உதவியுடன் பிரிக்கப்பட்டது. தற்போது முதல்முறையாக பாகிஸ்தானின் சரக்கு கப்பல் வங்கதேசம் செல்ல உள்ளது. ஷேக் ஹசினாவின் ஆட்சி கவிழ்ப்பிற்கு பிறகு, அந்நாடு பாக். பக்கம் சாய்ந்து வருகிறது. முன்னதாக ராணுவ ஒத்துழைப்பு குறித்து இருநாடுகளும் விவாதித்தன.
News February 24, 2025
விடாமுயற்சி OTT ரிலீஸ் டேட் அறிவிப்பு!
வரும் மார்ச் 3 ஆம் தேதி நெட்பிளிக்ஸில் ‘விடாமுயற்சி’ வெளிவர இருக்கிறது. மகிழ் திருமேனி இயக்கிய படம் பிப். 6-ஆம் தேதி திரையரங்குகளில் வெளிவந்து கலவையான விமர்சனத்தை பெற்றது. அஜித், த்ரிஷா, அர்ஜுன், ரெஜினா ஆகியோர் நடித்து லைகா தயாரித்த படத்திற்கு அனிருத் இசையமைத்திருந்தார். சாலை ட்ரிப்பின் போது, மனைவி திடீரென காணாமல் போக, அஜித் அவரை எவ்வாறு கண்டுபிடிக்கிறார் என்பதே கதை. யாரெல்லாம் வெயிட்டிங்!