News February 24, 2025
அரசு ஊழியர்கள்: களமிறங்கும் 4 அமைச்சர்கள் குழு
அரசு ஊழியர்களின் கோரிக்கைகளை பரிசீலிக்க அமைச்சர்கள் எ.வ.வேலு, தங்கம் தென்னரசு, அன்பில் மகேஷ், கயல்விழி ஆகியோர் அடங்கிய குழு அமைக்கப்பட்டுள்ளது. இக்குழு அரசு ஊழியர், ஆசிரியர் சங்கங்களின் பிரச்னைகளுக்கு தீர்வு காணும் வகையில் நடவடிக்கை எடுக்கும். தேர்தல் நெருங்கி வரும் நிலையில் காலிப் பணியிடங்களை நிரப்புதல், பழைய ஓய்வூதிய திட்டம் ஆகியவை அரசு ஊழியர்களின் முக்கிய கோரிக்கைகளாக இருப்பது கவனிக்கத்தக்கது.
Similar News
News February 24, 2025
விஜய் முதல்வராக வேண்டி முடி காணிக்கை
தமிழகத்தில் அடுத்த ஆண்டு சட்டப்பேரவைத் தேர்தல் நடக்கவுள்ள நிலையில், அரசியல் கட்சிகள் வெற்றிக்கான கூட்டணிக் கணக்கை போடத் தொடங்கியிருக்கின்றன. இதில் புதிதாக உதயமான தவெக கட்சி தொண்டர்களும் தங்களது கட்சி வெற்றி பெறுவதற்கான முயற்சிகளை முன்னெடுத்துள்ளனர். அதன் ஒருபகுதியாக விஜய் முதல்வராக வேண்டி, மதுரை அழகர்கோயிலில் உள்ள 18ம் படி கருப்பசாமிக்கு முடி காணிக்கை செலுத்தியுள்ளனர்.
News February 24, 2025
இலந்தக்கரையில் பழந்தமிழர்கள் நாகரிகம்
சிவகங்கையில் இலந்தக்கரை கண்மாய் பகுதியில் பழந்தமிழர்கள் பயன்படுத்திய சிவப்பு பானை ஓடுகள், ஜாடி குமிழிகளை வரலாற்று ஆய்வாளர்கள் கண்டெடுத்துள்ளனர். அவை 2600 ஆண்டுகளுக்கு முற்பட்டவை என்கின்றனர் வரலாற்றாசிரியர்கள். நல்லேந்தல், புரசடைஉடைப்பு பகுதிகளிலும் கருப்பு, சிவப்பு நிற பானை ஓடுகள் காணப்படுகின்றன. இங்கு அகழாய்வு நடத்தினால் மற்றொரு கீழடியாக மாறும் எனவும் வரலாற்று ஆய்வாளர்கள் தெரிவிக்கின்றனர்.
News February 24, 2025
ஜெயலலிதா சிலைக்கு அரசு சார்பில் மரியாதை
ஜெயலலிதா சிலைக்கு TN அரசு சார்பில் மரியாதை செலுத்தப்பட்டது. சென்னை காமராஜர் சாலையில் உள்ள ஜெயலலிதாவின் சிலை அருகே அலங்கரிக்கப்பட்டிருந்த புகைப்படத்திற்கு தமிழ் வளர்ச்சி மற்றும் செய்தித் துறை செயலாளர் ராஜாராமன் உள்ளிட்ட அதிகாரிகள் மலர் தூவி மரியாதை செலுத்தினர். திமுக ஆட்சியில், எதிர்க்கட்சி தலைவர் ஒருவரின் பிறந்தநாளுக்கு அரசு மரியாதை செலுத்துவது நாகரீக அரசியல் என பலரும் கமெண்ட் செய்து வருகின்றனர்.