News March 29, 2024
எம்பி தேர்தலில் எவ்வளவு செலவு செய்யலாம் தெரியுமா?
பெரிய மாநிலங்களில் மக்களவைத் தேர்தலில் வேட்பாளர் ரூ.95 லட்சம் வரை செலவு செய்ய அனுமதி தரப்பட்டுள்ளது. 1951-52ல் இத்தொகை ரூ.25,000ஆக இருந்தது. பிறகு 1971ல் ரூ.35,000, 1980ல் ரூ.1 லட்சம், 1984ல் ரூ.1.5 லட்சம், 1996ல் ரூ.4.5 லட்சம், 1998ல் ரூ.15 லட்சம், 2004ல் ரூ.25 லட்சம், 2014ல் ரூ.70 லட்சம், 2022ல் ரூ.95 லட்சம் என உயர்த்தப்பட்டது. சிறிய மாநிலங்களில் ரூ.75 லட்சம் செலவிட அனுமதி தரப்பட்டுள்ளது.
Similar News
News January 5, 2026
ஒரு ரேஷன் கார்டு மீது ₹4.54 லட்சம் கடன்: அண்ணாமலை
பொங்கலுக்கு ₹3,000 கொடுத்தால், அனைவரும் திமுகவுக்கு ஓட்டு போட்டுவிடுவார்கள் என அவர்கள் நினைப்பதாக அண்ணாமலை விமர்சித்துள்ளார். 2021-ல் ஒரு ரேஷன் கார்டு மீது ₹2.04 லட்சமாக இருந்த கடன், இப்போது ₹4.54 லட்சமாக அதிகரித்துள்ளதாகவும் அவர் சுட்டிக்காட்டினார். இந்த கடனை நாமும், நமது குழந்தைகளும் தான் கட்ட வேண்டும் எனவும், ஆட்சிக்கு வந்த பின் ₹5 லட்சம் கோடி கடனை திமுக வாங்கியுள்ளதாகவும் குறிப்பிட்டுள்ளார்.
News January 5, 2026
பகவந்த் கேசரி படத்தின் ரீமேக் உரிமம் இத்தனை கோடியா?
விஜய்யின் ‘ஜனநாயகன்’ பாலையாவின் பகவந்த் கேசரியின் ரீமேக் என்பது டிரெய்லர் மூலம் உறுதியானது. இதை H வினோத் எப்படி எடுத்திருப்பார் என SM-ல் பெரும் விவாதம் ஓடிக்கொண்டிருக்கிறது. இதனிடையே ‘பகவந்த் கேசரி’ படத்தின் ரீமேக் உரிமையை ₹4 கோடிக்கு ‘ஜனநாயகன்’ படக்குழு வாங்கியுள்ளதாக ஒரு தகவல் வெளியாகியுள்ளது. பாலையாவின் பார்முலா விஜய்க்கு வொர்க் அவுட் ஆகுமா?
News January 5, 2026
காரைக்குடி தொகுதியில் போட்டியா? சீமான்
பல தொகுதிகளுக்கான நாம் தமிழர் வேட்பாளர்களை சீமான் அறிவித்துவிட்டார். இதனிடையே அவர் காரைக்குடியில் போட்டியிட உள்ளதாக தகவல் வெளியானது. இதுகுறித்து அவரிடம் கேட்டபோது திருச்சி மாநாட்டில், தான் போட்டியிடும் தொகுதி குறித்து அறிவிக்கப்படும் என தெரிவித்தார். கூட்டணி இல்லாமல் வெற்றி பெற முடியாது என்பது பொய் என்றும், ஜெயலலிதா, கெஜ்ரிவால் ஆகியோர் தனித்து நின்று வெற்றி பெற்றுள்ளதாகவும் குறிப்பிட்டார்.