News February 16, 2025
படிதார் RCB கேப்டன் ஆனதற்கு கோலியே காரணம்: கைஃப்

ரஜத் படிதார் RCB கேப்டன் ஆன பின்னணியில் கோலி இருப்பதாக முன்னாள் வீரர் கைஃப் தெரிவித்துள்ளார். கோலி கேப்டன் ஆகாதது தனக்கு ஆச்சரியத்தை ஏற்படுத்தியதாகவும், தனது பேட்டிங்கில் கவனம் செலுத்தவே விராட் கேப்டன் பொறுப்பை மறுத்திருப்பதாகவும் அவர் கூறியுள்ளார். அணியின் எதிர்காலம் கருதியே படிதார் பெயரை அவர் முன்மொழிந்ததாகவும், ஆனால் இது படிதாருக்கு மிகப்பெரிய சவால் என்றும் குறிப்பிட்டுள்ளார்.
Similar News
News November 30, 2025
நாதகவின் தனிச்சட்டம் இதுவாகவே இருக்கும்: சீமான்

தாங்கள் (நாதக) ஆட்சிக்கு வந்தால் அமைச்சர் முதல் அனைத்து அரசு அலுவலர்களின் குழந்தைகளும் அரசு பள்ளியில் தான் படிக்க வேண்டும் என்று தனிச்சட்டமாக கொண்டு வருவோம் என்று சீமான் சூளூரைத்துள்ளார். அரசுப் பள்ளிகளில் கல்வியின் தரம் குறைந்துவிட்டதாக குற்றஞ்சாட்டிய அவர், அரசால் கொடுக்க முடியாத கல்வி, மருத்துவத்தை தனியார் முதலாளி கொடுப்பார் என்றால், அங்கே அரசு தோற்றதாக அர்த்தம் என்றும் சாடினார்.
News November 30, 2025
டோலிவுட் இயக்குநர்களுடன் கைகோர்க்கிறாரா சூர்யா?

சூர்யாவின் படங்கள், தியேட்டர்களில் வெற்றியை ருசித்து நீண்ட நாள்கள் ஆகிவிட்டது என்றே கூறலாம். இதனால் கதை தேர்வில் அதிக கவனம் செலுத்துகிறாராம். இந்நிலையில், தெலுங்கு இயக்குநர்கள் விவேக் ஆத்ரேயா (Suryas Satuday), புச்சி பாபு சனா (Uppenna) ஆகியோரின் கதைக்கு சூர்யா ஓகே சொல்லியுள்ளாராம். இதனால் ஜித்து மாதவன் இயக்கத்தில் நடித்த பிறகு, இவர்களது படங்களில் சூர்யா நடிப்பார் என எதிர்பார்க்கப்படுகிறது.
News November 30, 2025
3% அதிகமாக பெய்த வடகிழக்கு பருவமழை

‘டிட்வா’ புயலால் தமிழக கடலோர மாவட்டங்கள், வட மாவட்டங்களில் கனமழை வெளுத்து வாங்கி வருகிறது. இந்நிலையில், அக்.1 முதல் பெய்துவரும் வடகிழக்கு பருவமழை, இயல்பை விட 3% அதிகமாக பெய்துள்ளதாக IMD தென் மண்டல தலைவர் அமுதா தெரிவித்துள்ளார். குறிப்பாக, வேதாரண்யம், வேளாங்கண்ணி பகுதிகளில் அதிகளவு மழை பெய்துள்ளதாகவும் அவர் கூறியுள்ளார். உங்கள் ஊரில் மழை நிலவரம் எப்படி இருக்கிறது?


