News February 13, 2025
பாஜகவுடன் கைகோர்ப்பதே நல்லது: ஓபிஎஸ்
அதிமுகவில் பிரிந்திருப்பவர்கள் அனைவரும் ஒன்று சேர்ந்தால் மட்டுமே 2026 சட்டப்பேரவைத் தேர்தலில் வெற்றி பெற முடியும் என கருத்து தெரிவித்துள்ளார் ஓபிஎஸ். கட்சியின் 50 ஆண்டுகால விதியை மீறி திருத்தம் செய்ததே அதிமுகவின் உள்விவகாரங்களில் தேர்தல் ஆணையம் தலையிடலாம் என்ற தீர்ப்பு வருவதற்கு காரணம் என சாடியுள்ளார். மேலும், பாஜகவுடன் கூட்டணி அமைப்பதும் வெற்றிக்கு வழிவகுக்கும் என தெரிவித்துள்ளார்.
Similar News
News February 13, 2025
வார இறுதி விடுமுறை.. 627 சிறப்பு பஸ்கள் இயக்கம்
வார இறுதி விடுமுறையை முன்னிட்டு, தமிழகத்தின் பல்வேறு பகுதிகளுக்கு 627 சிறப்பு பஸ்களை அரசு அறிவித்துள்ளது. அதன்படி, நாளை, நாளை மறுநாள், ஞாயிற்றுக்கிழமை ஆகிய 3 நாள்கள் சிறப்பு பஸ்களை போக்குவரத்துத் துறை இயக்குகிறது. சென்னை கிளாம்பாக்கத்தில் இருந்து 485, கோயம்பேட்டில் இருந்து 102, மாதவரத்தில் இருந்து 40 சிறப்பு பஸ்கள், மாநிலத்தின் பல பகுதிகளுக்கு இயக்கப்படுகின்றன.
News February 13, 2025
யாரை கண்டும் எங்களுக்கு பயம் இல்லை: சாண்டோ
சாம்பியன்ஸ் டிராபி தொடரில் தங்களால் எந்த அணியையும் வீழ்த்த முடியும் என வங்கதேச கேப்டன் சாண்டோ கூறியுள்ளார். வங்கதேச அணியின் ஒவ்வொரு வீரருமே தனியாக கோப்பையை வென்று கொடுக்கும் திறமையுடையவர்கள் என்றும், இந்த படை பெரிய அணியையும் வீழ்த்தும் எனவும் நம்பிக்கை தெரிவித்துள்ளார். சாம்பியன்ஸ் கோப்பையை கைப்பற்றி, தங்கள் நாட்டுக்கு பெருமை சேர்ப்பதே நோக்கம் என்றும் குறிப்பிட்டுள்ளார்.
News February 13, 2025
இந்தியாவின் டாப் 6 கோடீஸ்வர குடும்பங்கள்!
ஆசியாவிலேயே டாப் 6 இந்திய கோடீஸ்வர குடும்பங்களை ‘ப்ளூம்பெர்க்’ நிறுவனம் பட்டியலிட்டுள்ளது. 1) முகேஷ் அம்பானி குடும்பம் (சொத்து மதிப்பு ரூ.7.86 லட்சம் கோடி), 2) மிஸ்ட்ரி குடும்பம் (ரூ.3.25 லட்சம் கோடி), 3) ஜிண்டால் குடும்பம் (ரூ.2.44 லட்சம் கோடி), 4) பிர்லா குடும்பம் (ரூ.1.99 லட்சம் கோடி), 5) பஜாஜ் குடும்பம் (ரூ.1.74 லட்சம் கோடி), 6) இந்துஜா குடும்பம் (ரூ.1.32 லட்சம் கோடி).