News February 13, 2025
பெண்களே… நீங்கள் ஒரு கார் புக் பண்றீங்களா?
கேரளாவின் கத்ரிகாடுவில் Uberல் ஒரு வண்டியை புக் செய்த ஒரு பெண்ணுக்கு Whatsappல் அந்த காரின் டிரைவர் மெசேஜ் அனுப்பி தொந்தரவு செய்துள்ளார். ‘நீங்க என்ன செண்ட் யூஸ் பண்றீங்க?’ என்றெல்லாம் கேட்க அப்பெண் அந்நபரை பிளாக் செய்துள்ளார். தொடர்ந்து தனது அதிருப்தியை அவர் எக்ஸ் தளத்திலும் வெளிப்படுத்தியுள்ளார். இதை தொடர்ந்து uber இதில் நடவடிக்கை எடுக்க வேண்டும் நெட்டிசன்கள் கொதிக்கிறார்கள்.
Similar News
News February 13, 2025
‘சுப்ரமணியபுரம் 2’ வருகிறதா?
‘சுப்ரமணியபுரம்’ படம் போலவே மற்றொரு படத்தை இந்த ஆண்டு இயக்க உள்ளதாகவும், அதற்காகவே இதே கெட்டப்பை பராமரித்து வருவதாகவும் சசிகுமார் தெரிவித்துள்ளார். அதேபோல், ‘குற்றப் பரம்பரை’ படம் உருவாவது தயாரிப்பாளர் கையில் தான் உள்ளதாக அவர் கூறியுள்ளார். பாரதிராஜாவும், பாலாவும் அப்படத்தில் தன்னை நடிக்க வைக்க திட்டமிட்டதாகவும், ஆனால் வேறு காரணங்களால் அப்படம் நிறுத்தி வைக்கப்பட்டுள்ளதாகவும் தெரிவித்துள்ளார்.
News February 13, 2025
உச்சத்தில் தங்க இடிஎஃப் முதலீடு
கடந்த மாதத்தில் தங்க ETF திட்டங்களில், வரலாறு காணாத அளவுக்கு முதலீடு பெறப்பட்டுள்ளதாக இந்திய மியூச்சுவல் பண்டு கூட்டமைப்பு தெரிவித்துள்ளது. அதன்படி, ஒரேமாதத்தில் தங்க ETFல் ₹3,751 கோடி முதலீடு பெறப்பட்டுள்ளது. சமீபகாலமாக பாதுகாப்பான முதலீடாக கருதப்படும் தங்கத்தில் நேரடியாக முதலீடு செய்வதை விட, ETF திட்டங்கள் வாயிலாக தங்கத்தை யூனிட்களாக டிஜிட்டல் வடிவில் முதலீடு செய்வது அதிகரித்து வருகிறது.
News February 13, 2025
கழுத்தை நெரித்தவர் பிரசாந்த்: விசிக சாடல்
பிஹார் தேர்தலில் பல தொகுதிகளில் டெபாசிட் கூட வாங்க முடியாதவர் தான் பிரசாந்த் கிஷோர் என விசிக கடுமையாக சாடியுள்ளது. தேர்தல் வியூகம் என்பது மக்களை ஏமாற்றும் வழி எனவும், வேலையில்லா இளைஞர்களை வைத்துக் கொண்டு கட்சிகளிடம் பணம் பறிக்கும் செயல் என்றும் விமர்சித்துள்ளது. மேலும், திமுக கூட்டணியில், கூட்டணி கட்சிகளுக்கு 6 சீட் மேல் கொடுக்க கூடாது என கழுத்தை நெரித்தவர்தான் கிஷோர் என்றும் சாடியுள்ளது.