News February 12, 2025
இந்தியர்களை அடிமை போல் நடத்தும் டிரம்ப்: கார்கே
பிரதமர் மோடியின் நண்பர் டொனால்ட் டிரம்ப், இந்தியர்களை அடிமைகள் போல் நடத்துவதாக காங்., தலைவர் மல்லிகார்ஜுன கார்கே குற்றஞ்சாட்டியுள்ளார். அமெரிக்காவில் இருந்து நாடு கடத்தப்படும் இந்தியர்களை, பயணிகள் விமானத்தில் அனுப்பாமல், சரக்கு விமானத்தில் அனுப்புவது அதையே காட்டுவதாகவும், இவ்விவகாரம் குறித்து பிரதமர் மோடி அமெரிக்க அதிபரிடம் பேச வேண்டும் எனவும் அவர் வலியுறுத்தியுள்ளார்.
Similar News
News February 12, 2025
இலவசங்களால் ஒட்டுண்ணிகள் உருவாகின்றன: SC
தேர்தலை முன்னிட்டு கட்சிகள் வெளியிடும் இலவச அறிவிப்புகள் தொடர்பாக சுப்ரீம் கோர்ட் கடும் அதிருப்தி தெரிவித்துள்ளது. இலவசமாக ரேஷனும், பணமும் கிடைப்பதால் மக்கள் வேலைக்கு செல்ல தயாராக இல்லை. நாட்டின் வளர்ச்சியில் அவர்களை பங்களிக்க செய்வதை விட்டுவிட்டு, ஒட்டுண்ணிகளை நீங்கள் உருவாக்கி வருகிறீர்கள். ஏழைகள் மீதான உங்கள் கரிசனத்தை, அவர்களை மேம்படுத்துவதில் காட்டுங்கள் என நீதிபதிகள் தெரிவித்தனர்.
News February 12, 2025
மோடி மைதானத்தில் சாதனை படைத்த இந்திய அணி
அகமதாபாத் மோடி மைதானத்தில் ஒருநாள் போட்டியில் இரண்டாவது அதிகபட்ச ரன்களை இந்தியா (356/10), ENG எதிராக இன்று பதிவு செய்துள்ளது. இந்த மைதானத்தில் தென்னாப்ரிக்கா அணி 2010இல் 365/2 ரன்கள் குவித்ததே இதுவரை அதிகபட்ச ரன்களாக இருந்து வருகிறது. 2022இல் வெஸ்ட் இண்டீஸ் அணிக்கு எதிராக இந்தியா 325/5 ரன்களும், 2022இல் இந்தியாவுக்கு எதிராக வெஸ்ட் இண்டீஸ் அணி 324/4 ரன்களும் எடுத்துள்ளன.
News February 12, 2025
‘டிராகன்’ படத்திற்கு ‘யு/ஏ’ சான்றிதழ்
அஸ்வத் மாரிமுத்து இயக்கத்தில் பிரதீப் ரங்கநாதன் நடித்துள்ள ‘டிராகன்’ படத்திற்கு ‘யு/ஏ’ சான்றிதழ் வழங்கப்பட்டுள்ளது. ஏஜிஎஸ் நிறுவனம் தயாரித்துள்ள இப்படத்திற்கு லியோன் ஜேம்ஸ் இசை அமைத்துள்ளார். கயடு லோஹர், விஜே சித்து, ஹர்ஷத், சினேகா, இயக்குநர்கள் மிஷ்கின், கவுதம் வாசுதேவ் மேனன் ஆகியோர் முக்கிய கதாப்பாத்திரத்தில் நடித்துள்ளனர். இப்படம் வரும் 21ஆம் தேதி வெளியாகவுள்ளது.